Xiontakuaujtamati ke Jehová mitsonpaleuis komo amo tikonpia tein ika tionmoixpanoltis

Kemej tinemij itech itamian tonalmej tikpiaj miak ouijkayomej. Uan kemej amo uejkaua ixpoliuis nochi tein amo kuali, okachi tikpiaskej kuejmolmej. Hasta ueliskia techpolos tein okachi moneki (Hab 3:16-18). ¿Keniuj uelis tikixnamikiskej nejon ouijkayomej? Komo titakuaujtamatij ke Jehová techpaleuis. Yejuatsin motenkaua ke kinyekpias itekitikauan uan kinmakas tein monekis keman yeski (Sl 37:18, 19; Heb 13:5, 6).

Tein uelis tikonchiuas:

• Xikontajtani Jehová maj mitsonpaleui, maj mitsonixyekana uan maj mitsonmaka tamatilis (Sl 62:8).

• Xikonchiua tein yeski tekit, maski tein amo tikonchiuani (g-S 1/10 8, 9, recuadros).

• Xikonsentoka xikonchiua tein okachi moneki, kemej tikonixtajtoltis Biblia mojmostaj, tionyas nechikolmej uan tiontanojnotsas.

SATEPAN KE TIKONITAS VIDEO MAJ TIKCHIJCHIUAKAN SE KALI TEIN TAXIKOS. MAJ ‘TIMOYOLPAKTIJTINEMIKAN SAYO IKA TEN TIKPIAJ’, XIKONNANKILI NEJIN NETAJTANILMEJ:

• ¿Toni ouijkayomej kipiakej nejin kalyetouanij?

• ¿Toni tein okachi tayekantok?

• ¿Keniuj uelis tikinpaleuiskej akin kipanouaj tatasojtilis?