TONEMILIS KEMEJ ITATOJTOKAKAUAN CRISTO
Xionmoita kemej Jehová mitsonita
“Jehová yolpaki ika ixolal” (Sl 149:4). Maski titajtakolejkej, Jehová kiita tein kuali tein tiknextiaj uan tein ueli tikchiuaj. Sayoj ke kemansa, xa ouij techkisas timoitaskej kemej Jehová techita. Xa tein techchiuiliaj oksekin oso tein tikchiujkej achto, uelis kichiuas maj tikmachilikan ke amo teyi tikualtiaj oso ke amo technamiki maj Jehová techtasojta. Komo tejuatsin ijkon tionmomachilia, ¿toni uelis mitsonpaleuis?
Xikonelnamiki ke Dios amo kiita teisa kemej tejuan tikitaj (1Sa 16:7). Nejin kijtosneki ke keman yejuatsin techita, kiita tein tejuan amo ueli tikitaj. Biblia techpaleuia maj tikmatikan keniuj techita Jehová. Komo kuali tionmomachtia seki versículos uan tein kinpanok sekin, tikonajsikamatis ke Jehová semi kintasojta itekitikauan.
SATEPAN KE MOITAS VIDEO XIKONYEKNELTOKA KE DIOS MITSONTASOJTA, XIKONNANKILI NEJIN NETAJTANILMEJ:
¿Toni techmachtia telpoch akin tsikuini uan ipopaj, kemej techita Jehová?
Komo aksa kichiuak se ueyi tajtakol, sayoj ke kichiuakya tein kipaleuis maj oksepa kuali mouika iuan Jehová, ¿toni kipaleuis maj kiyekneltoka ke Dios kitasojta? (1Jn 3:19, 20).
¿Keniuj kipaleuij tokniuj keman kiixtajtoltij uan itech tanemilij tein kinpanok David uan Jehosafat?