¿Toni tikonixtalijtok tikonchiuas itech yankuik xiujtekit?

Keman tikixtaliaj okachi tiktekitiliskej Jehová timochikauaj tikchiuaskej tein yeski para ika tikueyichiuaskej uan tikyolpaktiskej. Amo nenkaj komo tikixtaliaj okachi tiktekitiliskej Jehová porin maski tisiouiskej uan monekis tiempo, techpaleuis maj okachi kuali timouikakan iuan (1Ti 4:15). ¿Keyej kemansa moneki maj tikitakan toni tikixtalijkej? Porin amo nochipa kuali tiyetoskej. Xa kemansa amo uelis tikchiuaskejok tein tikixtalijkej. Oso xa tikchiujkejya uan uelis tikixtaliskej okse taman.

Tel kuali yeskia komo achto ke ajsis xiujtekit, tikitaj toni uelis tikixtaliskej tikchiuaskej. ¿Nankinemilianijya ika nantajtoskej nejin keman nantaueyichiuaskej kemej kalyetonij? Ueliskia ika nantajtoskej tein nankiuelitaskiaj nankiixtaliskej nankichiuaskej nansejsemej uan nannochin.

¿Toni tikonixtalijtok tikonchiuas itech nejin taman, uan keniuj ueliskia tikonchiuas?