TONEMILIS KEMEJ ITATOJTOKAKAUAN CRISTO
Jehová kinmakixtia akin semi tayokoxtokej
Kemansa ipa timotayokoltiskej. Sayoj ke nejon amo kijtosneki ke amo titakuaujtamatij iuan Jehová, porin hasta yejuatsin kemansa no motayokoltia (Gé 6:5, 6). Sayoj ke, ¿toni uelis tikchiuaskej komo semi timotayokoltiaj oso nochipa timotayokoltijtokej?
Xikontajtani Jehová maj mitsonpaleui. Yejuatsin kitekipachoua keniuj timomachiliaj. Jehová kimati keman tiyolpakij uan keman timotayokoltiaj. Uan kimati keyej ijkon timomachiliaj (Sl 7:9b). Uan no, Jehová uelis techpaleuis keman timotayokoltiaj oso keman nochipa timotayokoltijtokej porin toka motekipachoua (Sl 34:18).
Amo xikonnemili tein amo mitsonpaleuis. Keman tiknemiliaj tein amo techpaleuis amo tiyolpakijok uan hasta uelis kichiuas maj amo kuali timouikakanok iuan Jehová. Yejua ika semi moneki maj tikyekpiakan toyolo, oso tein tiknemiliaj uan tein tikmachiliaj (Pr 4:23).
SATEPAN KE MOITAS VIDEO TOKNIUAN YOLSEUJTOKEJ MASKI KIPIAJ DEPRESIÓN, XIKONNANKILI NEJIN NETAJTANILMEJ:
¿Toni kichiuak Nikki para kixikos depresión tein kipia?
¿Keniuj kimatik Nikki ke monekia kiitatiuj tapajtijkej? (Mt 9:12).
¿Toni kichiuak Nikki para kitemos maj Jehová kipaleui?