¡Uelis amo titetauelitaskejok!

Komo amo, xa tikonitani keniuj sekin kemaj kintauelitaj. Kampa kitematiltiaj tanauatilmej tikitaj ke miakej kintajyouiltiaj porin okseko kayomej, tataman ixtamatij oso porin kinuelitaj inintakaikniuan oso ininsiuaikniuan. Yejua ika miakej tekiuanij kiixtaliaj tanauatilmej para kinpaleuiskej akin kinchiuiliaj tein amo kuali porin kintauelitaj.

Akin kintauelitaj no tetauelitaj. Keman akin kintauelitaj kintajyouiltiaj yejuan kitemouaj momakepaskej, uan ijkon amo keman tami netauelitalis.

Xa no mitsonchikoitanij, mitsonkejkelouanij, mitsonuijuikaltianij uan mitsontemojmoujtianij oksekin. Sayoj ke, keman aksa kitauelitaj uelis kikuejmoloskej, kitachtekiskej, kimaaskej, ika mauiltiskej uan hasta kimiktiskej.

Nejin amaix kimelauas ke uelis amo titetauelitaskejok uan kinankilis nejin netajtanilmej:

• ¿Keyej semi onkak netauelitalis?

• ¿Keniuj tikchiuaskej maj motsakuili netauelitalis?

• ¿Kemansa amo onkasok netauelitalis?