¡Netauelitalis senkis ixpoliuis!
Maski tejuan timochikauaskej amo titetauelitaskejok, amo uelis tikchiuaskej maj oksekin amo tetauelitakanok. Kemej noyampa onkakej akin kintajyouiltiaj porin kintauelitaj, ¿akoni uelis senkis tayektalis?
Sayoj Jiova uelis kichiuas maj amo keman onkaok netauelitalis uan Biblia kijtoua ke ijkon kichiuas (Proverbios 20:22).
DIOS KIIXPOLOS TEIN KICHIUA MAJ ONKA NETAUELITALIS
1. AMOKUALI SATANÁS. Satanás, se ángel akin kiixnamikik Dios, yejua semej akin kichiua maj axkan onka netauelitalis. Dios kiixpolos Satanás uan nochin akin tetauelitaj kemej yejua (Salmo 37:38; Romanos 16:20).
2. AKIN SATANÁS KINIXYEKANA. Dios kinixpolos nochin akin kichiuaj maj onka netauelitalis, kemej tekiuanij uan akin taixyekanaj itech taneltokalis. No kinixpolos akin kinkuiliaj inintomin oksekin uan ijkon kintajyouiltiaj (2 Pedro 3:13).
3. TAJTAKOL TEIN TIKPIAJ. Biblia kijtoua ke tinochin techpanoltilijkej tajtakol yejua ika okachi ijsiujka tiknemiliaj, tikmachiliaj uan tikchiuaj tein amo kuali (Romanos 5:12). Yejua nejon kichiua maj titetauelitakan. Sayoj ke ika inepaleuil Dios uelis senkis timoajchiuiliskej netauelitalis (Isaías 54:13).
BIBLIA KIJTOUA KE ITECH TALTIKPAK AMO ONKASOK NETAUELITALIS
1. AMO AKINOK KICHIUILISKEJ TEIN AMO KUALI. ITekiuajyo Dios tein moajsi iluikak taixyekanas nikan taltikpak. Nejon se tekiuajyot tein yetos nochipaya (Daniel 2:44). Amo akin kichikoitaskejok uan kuali kiitaskej uan Dios kinpaleuis nochin akin axkan tajyouijtokej (Lucas 18:7).
2. TINOCHIN TINEMISKEJ IKA YOLSEUILIS. Amo onkasok neteuilis uan nion akin kiteuiskejok (Salmo 46:9). Amo akin moujkanemisok itech taltikpak uan sayoj nemiskej akin kinextiskej yolseuilis (Salmo 72:7).
3. KUALTSIN TINEMISKEJ. Yekmelauj timotasojtaskej (Mateo 22:39). Amo teyi techtajyouiltisok, nion tikelnamikiskejok tein amo kuali tein tikpanokej (Isaías 65:17). Keman senkis amo onkasok netauelitalis, taltikpakneminij “yolpakiskej porin kipiaskej ueyi yolseuilis” (Salmo 37:11).
¿Tikonuelitaskia ijkon tionnemis? Axkan millones itaixpantijkauan Jiova itech nochi taltikpak mochikaujtokej amo tetauelitaskejok. ¿Keniuj? Keman kichiuaj tein Biblia tamachtia (Salmo 37:8). Maski seseko kayomej uan tataman kemej nemij, kemej yeskia kalyetouanij akin kuali mouikaj porin motasojtaj (Isaías 2:2-4).
Ika miak pakilis itaixpantijkauan Jiova mitsonnextiliskej tein momachtianij uan no tein uelis tikonchiuas keman mitsonchiuiliskej tein amo kuali uan mitsonchikoitaskej. Tein tionmomachtis mitsonpaleuis amo xiontetauelitaok ta xiontetasojta. No tikonitas keniuj uelis timouikas iniuan nochin hasta akin amo yolkualmej oso akin mitstauelitaj. Nejon kichiuas okachi xionyolpaki axkan uan kuali xionmouika iniuan oksekin. Uan tein okachi moneki: tikonmatis tein uelis tikonchiuas para tionyolpakis keman iTekiuajyo Dios senkis kiixpolos netauelitalis (Salmo 37:29).