Dios kineki mitsonyekpias
ITECH Biblia tikajsij kuali tayolmajxitilis porin nejin amatajkuilol Dios techmaka. Amo ika tajtoua tapajtilis, sayoj ke techiluia toni uelis tikchiuaskej keman semi timotekipachojtokej, keman tiknemiliaj tein uelis techijtakos, keman techyolxokoliaj uan keman tikpiaj se kokolis itech tonakayo oso itech totanemilil.
Uan no, Biblia kijtoua se taman tein semi kualtsin, ke Jehováa Dios, akin techchijchiuak kuali kimati tein tiknemiliaj uan tein tikmachiliaj. Yejuatsin kineki techyekpias uan touan yetos keman tikpanotoskej se ouijkayot. Kemej kinextiaj nejin ome textos tein kipia Biblia. Semi mitsonpaleuiskej.
“Jehová iniuan yetok akin tajyouijtokej; kinmakixtia akin semi tayokoxtokej” (SALMO 34:18).
“Nejua, Jehová moDios, nikitskijtok moyekmay, Akin mitsiluia: ‘Amo ximoui. Nejua nimitspaleuis’” (ISAÍAS 41:13).
Sayoj ke, ¿keniuj techpaleuia Jehová komo tikpiaj se kokolis itech totanemilil? Itech okseki tamachtilismej tikitaskej ke Jehová yekmelauj kineki techyekpias, yejua ika techpaleuia ika miak taman.
a Jehová yejua itokay Dios (Salmo 83:18).