¿Uelis nechyolseuis Biblia?
Tein Biblia kijtoua
Kemaj (Romanos 15:4). Miakej kipanotokej uejueyi ouijkayomej uan amo kuali momachiliaj, uan tein kijtoua Biblia kinyolseuiani.
Itech nejin tamachtilis tikitaskej seki tajkuilolmej itech Biblia tein uelis mitsonpaleuiskej komo tikonpanotok semej nejin ouijkayomej:
Uejueyi ouijkayomej
Salmo 23:4: “Maski ninentinemis tepetsintan kampa semi tayouayan, amo nikmouilis maj nechpano tein amo kuali, porin tejua tietok nouan”.
Tein kijtosneki: Komo tikontataujtia Dios uan tikonixtajtoltia iTajtol, Biblia para maj mitsonixyekana, mitsonpaleuis xionmoyolchikaua keman tikonpias ouijkayomej.
Filipenses 4:13: “Nikpia chikaualis para nikixnamikis nochi porin Dios nechmaka chikaualis”.
Tein kijtosneki: Dios uelis mitsonmakas chikaualis tein mitsonpaleuis keman tikonpias tein yeski ouijkayot.
Momikilij aksa akin tikontasojtaya
Eclesiastés 9:10: “Amo onkak tekit nion teisa tein monemilia mochiuas nion taixmatilis nion tamatilis itech Miketekoch”.
Tein kijtosneki: Akin momikilijkejya amo teyi kimatijok, yejua ika amo tajyouiaj nion ueli techchiuiliaj tein amo kuali.
Hechos 24:15: “Dios kichiuas maj oksepa nemikan”.
Tein kijtosneki: Dios uelis kichiuas maj oksepa nemikan akin tikintasojtayaj.
Semi tionmotajtakoltia teisa tein tikonchiuak
Salmo 86:5: “Jehová,a tiyolkuali uan tikneki titetapojpoluis; semi ueyi netasojtalis tein amo tami tein tikinpialia nochin akin mitsnotsaj”.
Tein kijtosneki: Dios kintapojpoluia akin yekmelauj moyolpataj uan kiixtalijtokej amo oksepa kichiuaskej tein amo kuali tein kichiujkaj.
Salmo 103:12: “Uejka kitalij totajtakoluan, ijkon kemej ueuejka moajsij tonalkisayampa uan tonalkalakyampa”.
Tein kijtosneki: Keman Dios techtapojpoluia amo techelnamiktiaok totajtakoluan para kichiuas maj amo kuali timomachilikan oso para techtatsakuiltis. Tel uejka kintalia.
Tayokol
Salmo 31:7: “Tikitani notajyouilis; tikmati ke semi nimotekipachoua”.
Tein kijtosneki: Dios kimati nochi tein tikonijyouijtok. Yejuatsin kuali kiajsikamati keniuj tionmomachilia, maski oksekin amo.
Salmo 34:18: “Jehová iniuan yetok akin tajyouijtokej; kinmakixtia akin semi tayokoxtokej”.
Tein kijtosneki: Dios mitsoniluia ke yetos mouan keman tiontayokoxtos. Yejuatsin uelis mitsonmakas chikaualis tein mitsonpaleuis xikonxiko tayokol.
Kokolis oso kokoxkayot
Salmo 41:3: “Jehová kipaleuis keman uetstos porin mokokoua”.
Tein kijtosneki: Dios uelis mitsonpaleuis xiontaxiko komo semi tionmokokoua; mitsonpaleuis amo semi xionmotekipacho uan xiontaxiko, mitsonmakas chikaualis uan tamatilis para kuali tiontaixpejpenas.
Isaías 33:24: “Nion se taltikpaknenkej kijtos: ‘Nimokokoua’”.
Tein kijtosneki: Dios kijtoua ke ejkos tonal keman nochin paktoskej.
Netekipacholis
Salmo 94:19: “Keman semi nimotekipachouaya, tejua tinechyolseuiaya uan tikchiuaya maj kuali nimomachili”.
Tein kijtosneki: Komo tiktemouaj inepaleuil Dios keman semi timotekipachojtokej, yejuatsin techpaleuis maj tiyolseujtokan.
1 Pedro 5:7: “Xikauilikan nochi tein namechtekipachoua porin yejua kiyolmachilia tein namechpanotok”.
Tein kijtosneki: Dios semi kitekipachoua tein techpanoua, uan yejua ika kineki maj tikiluikan nochi tein techtekipachoua.
Neteuilis
Salmo 46:9: “Yejua kitamia neteuilismej noyampa taltikpak”.
Tein kijtosneki: Amo uejkaua, iTaixyekanalis Dios kitamis nochi neteuilismej.
Salmo 37:11, 29: “Akin yolnejmachmej ininaxkatis taltikpak uan yolpakiskej porin semi yolseujtoskej”. “Akin yolmelaujkej ininaxkatis taltikpak uan ompa nemiskej nochipaya”.
Tein kijtosneki: Akin yolkualmej yolseujkanemiskej nochipaya nikan taltikpak.
Mitsontekipachoua tein panos satepan
Jeremías 29:11: “Jehová kijtoua: ‘KuaIi nikmattok tein nikneki xikpiakan. Nikneki xiyolseujtokan uan maj amo namechpano nion teyi tein amo kuali. Nikneki xikchiakan tein kuali satepan’”.
Tein kijtosneki: Dios motenkaua iniuan itekitikauan ke kualtsin nemiskej satepan.
Apocalipsis 21:4: “Kinuachilis nochi ininixayo, uan amo akin momikilisok, nion tayokoyas nion chokas nion tajyouis. Tamikya nochi tein achto techtajyouiltiaya”.
Tein kijtosneki: Dios kijtoua ke kiixpolos nochi tein amo kuali tein mochiua noyampa taltikpak.
a Dios monotsa Jehová (Salmo 83:18). Xikonlero tamachtilis “¿Quién es Jehová?”