Tein uelis timomachtiskej

Xikonixtali toni moneki achto tionmomachtis

Maski tikuelitaskiaj uejkauak timomachtiskej toselti, amo tikpiaj miak tiempo. Komo ijkon mitsonpanoua, ¿keniuj uelis okachi kuali tikonkuis motiempo? Yekinika, kuali xikonkui tiempo tein tikonpias para tionmomachtis. Okachi mitsonpaleuis komo kuali tionmomachtia maski tepitsin uan amo komo tikonixtajtoltia miak taman uan ijsiujka.

Satepan, xikonixtali toni moneki achto tionmomachtis (Efes. 5:15, 16). Xa uelis tikonchiuas nejin:

• Xikonixtajtolti Biblia mojmostaj (Sal. 1:2). Xa uelis peuas tikonixtajtoltis capítulos tein ixyetok timomachtiskej itech nechikol tein mochiua itajkotian semana.

• Achto xionmomachti moselti tein timomachtiskej itech nechikolmej, kemej nemachtil ika amaix Tanejmachtijkej uan tein moitas itech nechikol tein mochiuas itajkotian semana. Kuali xionmomachti para tiontanankilis (Sal. 22:22).

• Komo tikonpia okachi tiempo, no xionmomachtijtiuj amaixmej tein tiktemakaj itech tanojnotsalis, videos uan nochi tamachtilismej tein kisanij itech jw.org.

• Xikonixtali tionmomachtis teisa tein tikonneki tikonmatis. Uelis tikontemos tamachtilis tein ika tajtoua tein mitsonpanotok, se teisa tein tionmotajtaniani oso se tamachtilis tein tikonneki okachi tikonajsikamatis. Tikonajsis okachi taman tein uelis tionmomachtis itech taxelol “Actividades para estudiar la Biblia”, itech jw.org.