Xikui referencias marginales keman timomachtis

Keman tikleros Biblia Traducción del Nuevo Mundo tikitas ke itamian sejse tajtol kipia se letra tein tsikitsin. ¿Toni kipia nejon letra? Kinextia ke se texto kipia referencias marginales, oso okseki versículos tein no ika tajtoua tein tiklerojtok. Nejon referencias kinextia ke miakkan itech Biblia sayoj ika tajtoua se taman. Komo tikuitok se Biblia ika amat, uelis tikajsis letras tatajko den página. Komo tikuitok jw.org oso aplicación JW Library^®, sayoj moneki tikpatskilis letra para kitapos se referencia.

¿Toni kipiaj nejon referencias marginales? Maj tikitakan seki:

Okseki textos tein no ika tajtoua teisa tein panok. Se referencia mitsajxilia okseki textos tein no ika tajtoua se taman tein panok. Itech 2 Samuel 24:1 kipia se referencia tein kinextia 1 Crónicas 21:​1, uan komo achto tiktemoua nejin texto no mitsnextilis nejon okse.

Seki textos tein no kinextiaj tein aksa kijtoj. Se referencia kinextia kani mokixtij tein aksa kijtojka. Komo tiktemoua Mateo 4:​4, tikitas ke referencia mitsnextilis Deuteronomio 8:3.

Tein moijtojka ke mochiuaskia uan keman mochiuak. Se referencia kinextia se texto kampa kijtoua tein achto moijtojka ke mochiuaskia uan okse keman mochiuakya. Xiktemo Zacarías 9:9 uan Mateo 21:5.