Jesucristo kichiuas maj amo tatasojtiok

Keman Jesús yetoya nikan taltikpak, kinextij ke semi kintasojtaya akin nemiaj nejon tonalmej, okachiok akin katkaj pobres oso tajyouiayaj (Mateo 9:36). Hasta motemakak mikis para kinpaleuis oksekin (Mateo 20:28; Juan 15:13). Amo uejkaua, oksepa kichiuati okse taman tein kinextis ke semi techtasojta. Kikuis itanauatil tein kipia kemej Tekiuaj itech iTaixyekanalis Dios para kichiuas maj amo tatasojtiok nikan taltikpak.

Jesús kichiuati nejin kualtsin taman tein kijtoua Biblia:

• “Maj kintajtoui akin amo teyi kipiaj, maj kinmakixti ikoneuan pobre” (Salmo 72:4).

¿Keniuj uelis tiknextiskej ke tiktasojkamatij tein kichiuak por tejuan uan tein kichiuatiok amo uejkaua? Tikonnextis ke tikontasojkamati, komo tionmomachtia itajtol Dios uan ijkon tikonmatis toni “kuali tanauatilmej” de iTaixyekanalis Dios kiteixmatiltij Jesús (Lucas 4:43). Xikonlero tamachtilis “¿Toni iTekiuajyo Dios?”.