¿Akoni uelis iuan tiontakuaujtamatis? | ¿Toni kijtoua Biblia?

Miakej amo kimatijok ox uelis takuaujtamatiskej iuan aksa porin kiitaj ke akin monekiskia yeskij takuaujtamachmej, amo ijkon kichiuaj. Miakej amo takuaujtamatijok iniuan...

• taixyekananij políticos akin yekinika kitemouaj mopaleuiskej yejuan uan amo akin kinixyekanaj.

• akin kitemakaj noticias porin amo nochipa kitematiltiaj teisa kemej yekmelauj panok.

• científicos akin kichiuaj tein amo kinpaleuis akin nemij itech taltikpak.

• akin taixyekanaj itech taneltokalis akin semi mokalakiaj itech política uan amo kichiuaj tein Dios kiyolpaktia.

Kemaj kuali yetok maj amo akin yeski iniuan titakuaujtamatikan. Ijkon Biblia kijtoua:

• “Amo xitakuaujtamatikan iniuan ueyichiuanimej [...], porin amo uelij temakixtiaj” (Salmo 146:3).

Moajsi se akin uelis iuan titakuaujtamatiskej

 Biblia techiluia ke uelis titakuaujtamatiskej iuan Jesucristo. Yejua amo sayoj se takat yolkuali akin nemik ne uejkauj. Ta Dios kiixtalij Jesús kemej tekiuaj akin ‘taixyekanas’ uan “yejua nochipa taixyekantos” (Lucas 1:32, 33). Jesús yejua Tekiuaj itech iTaixyekanalis Dios, uan axkan taixyekantokya ne iluikak (Mateo 6:10).

• Para tionmomachtis keyej uelis tiontakuaujtamatis iuan Jesús, xikonlero tamachtilis “¿Akoni taixyekana itech iTekiuajyo Dios?” uan “¿Toni kichiuas iTekiuajyo Dios?”.