Jesús kichiuas maj amo onkaok neteuilis

Keman Jesús yetoya nikan taltikpak, kinextij ke semi techtasojta uan hasta kitemakak inemilis por tejuan (Mateo 20:28; Juan 15:13). Amo uejkaua, oksepa kichiuati okse taman tein kinextis ke semi techtasojta. Kikuis itanauatil tein kipia kemej Tekiuaj itech iTaixyekanalis Dios para kitamis “neteuilismej noyampa taltikpak” (Salmo 46:9).

Xikonita keniuj Biblia kimelaua tein Jesús kichiuati:

• “Yejua kimakixtis pobre akin tsajtsi maj kipaleuikan, no akin tajyouijtok uan akin amo kipia akoni kipaleuis. Kiiknelis akin tajyouijtok uan amo teyi kipia, uan kinmakixtis pobres. Kinmakixtis de akin kintajyouiltia uan kinkojkokoua” (Salmo 72:12-14).

¿Keniuj uelis tiknextiskej ke tiktasojkamatij tein kichiuak por tejuan uan tein kichiuatiok amo uejkaua? Tikonnextis ke tikontasojkamati, komo tionmomachtia itajtol Dios uan ijkon tikonmatis toni “kuali tanauatilmej” de iTaixyekanalis Dios motetapouijtok itech nochi taltikpak (Lucas 4:43). Xikonlero tamachtilis “¿Toni iTekiuajyo Dios?”.