¿Moajsi se Taixyekanalis tein nochipa kuali techixyekanas? | ¿Toni kijtoua Biblia?

Axkan tekiuanij semi kinouijmaka kuali taixyekanaskej porin kiixnamikij tataman kuejmolmej. Uan maski itech altepemej nesi ke kuali taixyekantokej tekiuanij, no mochiuani seki taman tein kinijtakoua, semi xexeliujtokej itech política uan akin nemij itech altepemej semi takuejmolchiuaj.

Biblia techiluia ke moajsi se taixyekanalis akin nochipa kuali taixyekanas. Xa tikonkakiniya ke moajsi nejon taixyekanalis. Yejua tein Jesucristo ika tajtoj keman tamachtij keniuj se motataujtis.

• “Namejuan moneki namotataujtiskej ijkuin:‘ToTajtsin akin tietok ne iluikak, maj nochin kiitakan ke motokay semi ueyi. Maj techixyekanaki moTaixyekanalis. Maj mochiua tein tikneki nikan taltikpak, ijkon kemej ne iluikak” (Mateo 6:9, 10).

¿Toni kijtoua Biblia de nejon Taixyekanalis?

Nejon Taixyekanalis nochipa kuali techixyekanas

Nejon Taixyekanalis yetok ne iluikak.

• Jesús kitokaytij “iTaixyekanalis Dios tein moajsi iluikak” (Mateo 4:17; 5:3, 10, 19, 20). Yejua ika kijtoj: “NoTaixyekanalis amo poui nikan taltikpak” (Juan 18:36).

Nejon Taixyekanalis kinixpatas tekiuanij de nikan taltikpak.

• Biblia kijtoua: “Nejin taixyekanalis kinkuechos uan kinixpolos nochi nejon taixyekanalismej [de nikan taltikpak], uan sayoj yejua yetos nochipaya” (Daniel 2:44).

Itech nejin Taixyekanalis, yejua Jesucristo yeski Tekiuaj uan amo keman ixpoliuis.

• Biblia kijtoua: “Itaixyekanalis yejua se taixyekanalis tein uejkauas nochipaya uan amo keman tamis, uan nochipa tekiuajtis uan amo keman kiixpoloskej” (Daniel 7:13, 14).

Keman taixyekantos, nochin kualtsin nemiskej uan amo akin kinmojmoujtis.

• Biblia kijtoua: “Sejse motalis iuvajmekatampa uan ihigokoujtampa uan amo akinok kinmojmoujtis” (Miqueas 4:4).

Xikonsentoka xionmomachti de nejon Taixyekanalis

Keman Jesús yetoya nikan taltikpak, semi “kiteixmatiltijtiaya kuali tanauatilmej tein ika tajtoua iTaixyekanalis Dios” (Mateo 9:35). Uan no kijtoj tein mochiuaskia:

• “Uan itech nochi taltikpak moteixmatiltis kuali tanauatilmej tein ika tajtoua iTaixyekanalis Dios uan ijkon nochin uelis kikakiskej, uan satepan tatamis” (Mateo 24:14).

Axkan tonalmej nejon kuali tanauatilmej de iTaixyekanalis Dios moteixmatiltijtok itech panoua 240 países. Timitsonyoleuaj okachi xionmomachti de nejon taixyekanalis uan keniuj uelis tikonselis tein kiualkui nejon taixyekanalis.

Xikonita video ¿Toni iTekiuajyo Dios?