¿Toni iTekiuajyo Dios?
Jesús kinmachtij itatojtokakauan maj kijtokan nejin keman motataujtiskej: “ToTajtsin akin tiyetok iluikak, maj mochipaujkatali motokay. Maj uiki moTekiuajyo. Maj mochiua motanejnekilis, ne iluikak uan no nikan taltikpak” (Mateo 6:9, 10, TNM). ¿Toni iTekiuajyo Dios? ¿Toni kichiujtok? ¿Keyej moneki titajtaniskej maj taixyekana nikan taltikpak?
Jesús taixyekana itech iTekiuajyo Dios
Lucas 1:31-33 kijtoua: “Tiktokaytis mokoneu Jesús. Uan mokoneu yeski ueyi chiuke uan in tagayot kipouaske uan kitokaytiske nijin konetsin ke Yejuatsin ikoneu de Totajtsin Dios in kachi ueyi chiuke. [...] Yejuatsin kichiualtis ke in Jesús Temakixtijke ma kipia uelilis de rey, ijkon keme in tayekankatat David tekitia kuak katka rey. Uan ne Jesús Temakixtijke, Yejuatsin ya ne kinyekantinemis in pueblojuani de Israel sen nachipa. Uan in chikaukauelilis de Jesús Temakixtijke amo keman kuetauis”.
Jesús kiteixmatiltij iTekiuajyo Dios
Mateo 9:35, TNM, kijtoua: “Jesús peuak youi itech nochi xolalmej uan xolalkonemej. Tamachtijtiyaya itech sinagogas, kiteixmatiltijtiyaya kuali tanauatilmej ika Tekiuajyot uan kipajtiaya tein yeski kokolis uan tein yeski tekokojkayot”.
Jesús kiniluij itatojtokakauan tein kinextiskia ke nejon Tekiuajyot taixyekanaskiaya
Mateo 24:7 kijtoua: “Moajokuiske pueblojuani uan moteuiske se uan okse pueblojuani, uan in tagayot den se país moajokuiske uan moteuiske se uan okse tagayot. Uan onkas [...] miak mayanti uan talolinilis”.
Itatojtokakauan Jesús kiteixmatiltiaj nejon Tekiuajyot noyampa taltikpak
Mateo 24:14, TNM, kijtoua: “Nejin kuali tanauatilmej ika Tekiuajyot motetapouis semanauak taltikpak kampa nemij uan ijkon nochin kimatiskej, uan ompa ejkos tamilis”.