¿Uelis techyolchikauas Biblia keman timokokouaj?

Tein Biblia kijtoua

Kemaj. Dios kiyolmachilia tajyouilis tein kipanouaj itekitikauan akin mokokouaj. Biblia kijtoua: “Jehová kipaleuis keman uetstos porin mokokoua” (Salmo 41:3). Tikitaskej eyi taman tein uelis techpaleuis komo timoueyikokouaj:

1. Maj tiktajtanikan Dios maj techpaleui maj titaxikokan. ‘Dios techyolseuis kemej amo akin kiajsikamati’, nejon techpaleuis maj amo timoteltekipachokan uan maj titaxikokan (Filipenses 4:6, 7).

2. Maj ika titanemilikan tein techpaleuis. Biblia kijtoua: “Yolpakilis kemej yeskia pajti, sayoj ke tayokol mitssioujtis” (Proverbios 17:22). Keman tiyolpakij kuali timomachiliaj, uan no techpaleuia maj tipaktokan.

3. Maj tikelnamikikan tein tikchiaj tikseliskej. Keman ika titanemiliaj tein kuali tein tikchiaj tikseliskej, techpaleuia maj titaxikokan maski timokokouaj (Romanos 12:12). Biblia kijtoua ke ejkos tonal keman amo akin kijtos: “Nimokokoua” (Isaías 33:24). Dios kichiuas maj amo akin kokolispeua, nejin se taman tein taixmatinij amo uelij kichiuaj. Yolik kiajchiujtias tein kichiua maj tiueuentsintiakan. Biblia kijtoua: “Maj inakayo mochiua okachi kuali ke ijkuak katka telpoch; maj oksepa kipia chikaualis kemej ijkuak katka telpoch” (Job 33:25).

Nota: Maski tiiTaixpantijkauan Jehová titakuaujtamatij ke Dios techpaleuis, no timopajtiaj keman timokokouaj (Marcos 2:17). Maski ijkon, amo tikiniluiaj oksekin keniuj moneki mopajtiskej, porin tisejsemej moneki tikixpejpenaskej.