¿Nankiseliaj tapajtilis?

Kemaj. Tiitaixpantijkauan Jiova tikseliaj tapajtilis uan ueli titayij pajti. Maski timochikauaj timoyekpiaskej, kemansa moneki tiyaskej tikitatiuij tapajtijkej (Lucas 5:31). Uan no, ijkon kemej Lucas se tapajtijkej akin nemik itech yekinika siglo uan katka itatojtokakauj Cristo, seki itaixpantijkauan Jiova momachtiaj tapajtiskej (Colosenses 4:14).

Sayoj ke, tiitaixpantijkauan Jiova tikixtopeuaj tapajtilis tein kitapanauilia itanauatil Dios. Kemej neskayot, kemej iTajtol Dios tanauatia maj amo timotalilikan esti, amo tikseliaj maj techpanoltilikan esti (Hechos 15:20). Uan no, Biblia tanauatia maj amo tikselikan tataman tapajtilis tein mouika iuan naualot (Gálatas 5:​19-21).

Tein melauj, miak taman tapajtilis amo moixnamiki iuan iTajtol Dios, yejua ika sejse itaixpantijkauj Jiova moneki kiixejekos toni taman tapajtilis kiselis. Xa se tokniuj kiixpejpenas se taman kemej uelis mopajtis oso se pajti tein xa okse tokniuj kiixtopeuaskia (Gálatas 6:5).