Tein mokui keman tikitaj Tein timomachtiaj itech nechikol Tonemilis uan toTanojnotsalis
4-10 METSTI FEBRERO
TAMACHTILIS TEIN KIPIA BIBLIA | ROMANOS 1-3
“Maj tiksentokakan kuali tikmachtikan totanemilil”
Motelneki maj tikpiakan se tanemilil tein yektekiti
6 Amo sayoj itekitikauan Jiova kipiaj imin tanemilil. Tatitanil Pablo kijtoj tein Dios kimatiltij: “In takaj ten amo judíos uan ten amo kipiaj in tanauatil [...] kichiujtinemij [...] ten tenauatilia in tanauatil de Moisés [...]. Uan ijkon yejuan kitenextilijtinemij ke [...] kipixtinemij tech nintalnamikilis se tanauatil ten yejuan kinyekantok. Uan ninyolojuan kinmachililtia ke kox yejuan tajtakolejkej oso amo” (Romanos 2:14, 15). Miakej maski amo kiixmatij itanauatiluan Jiova, kichiuaj tein kiniluia imin tanemilil, uan monejnemiltiaj kemej kijtoua principios tein techmaka Dios.
Motelneki maj tikpiakan se tanemilil tein yektekiti
8 ¿Keniuj moneki tikuiskej totanemilil keman tiknemiliskej tikchiuaskej teisa? Miakej moluiaj ke sayoj maj tikchiuakan tein toyolo techiluia. Ompa xa kijtouaj: “Nejua nikita ke kuali nikchiuas, amo nechkuejmoloua notanemilil”. Sayoj ke maj amo tikelkauakan ke tein toyolo kinejneki semi chikauak, uan uelis kijtakos totanemilil. Ijkon kinextia Biblia: “Iyolo taltikpaknenkej okachi takajkayaua ke okseki taman, uan mopapata. ¿Akoni ueli kiixmati?” (Jeremías 17:9). Yejika, okachi moneki tikyolpaktiskej Jiova uan amo tikchiuaskej tein toyolo kinejneki.
9 Se taltikpaknenkej tein kuali kimachtijtok itanemilil, amo kikaua maj kiixyekana itanejnekilis keman kinemilia kichiuas teisa. Ta kikaua maj kiixyekana tamoujkatokalis tein kipialia Dios, nejin kijtosneki ke nion tepitsin kineki kiyolkokos toTajtsin. Ijkon moita tein kipanok Nehemías. Kemej yejua taixyekanaya itech altepet Jerusalén, ueliskia kintajtaniskia akin kinixyekanaya maj kiixtauanij seki impuestos. Sayoj ke amo kichiuak. ¿Keyej? Yejua kijtoj: “Porin nikmoujkatokaya Dios” (Nehemías 5:15). Amo kintatajtaniaya israelitas porin nion tepitsin kinekia kikualantis Jiova. Motelneki maj tejuan no ijkon tikmoujkatokakan Dios, ta nejon techolinis maj tiktemokan itech Biblia keniuj kiita tein tiknekij tikchiuaskej.
Maj tiktemokan tamachtilis ika nejmachkayot
w08 15/6 pág. 30 § 5
Tein moixtajtoltia itech amatajkuilol Romanos
3:4. Keman tein kijtouaj taltikpakneminij amo mouika ika tein kijtoua iTajtol Dios, tiknextiaj ke Dios melauak komo titakuaujtamatij itech tein kijtoua Biblia uan tikchiuaj tein yejuatsin kiyolpaktia. Uan no, keman timochikauaj tikteixmatiltiskej iTekiuajyo Dios uan tikinpaleuiaj oksekin maj mochiuakan itatojtokakauan Cristo, titapaleuiaj maj kimatikan ke Dios amo takajkayaua.
w08 15/6 pág. 29 § 6
Tein moixtajtoltia itech amatajkuilol Romanos
3:24, 25 ¿Keniuj “Totekotsin Cristo Jesús kixtauak ya nochi [...] nintajtakoluan de ne uejkautaka ten achto nemikoj” achto ke momikiliskia? Itech Génesis 3:15 moijtoj yekinika taman tein kipanoskia Mesías. Nejon mochiuak itech xiuit 33 achto itech totonaluan, keman Jesucristo momikilij (Gál. 3:13, 16). Keman Jiova kijtoj tein mochiuaskia, kemej yeskia taxtaujkaya porin nion teyi kitsakuilia maj kichiua tein kiixtalia. Ika inemilis Jesús tein kitemakaskia, Jiova kintapojpoluijkaya inintajtakoluan ikoneuan Adán akin takuaujtamatiskiaj itech tein motenkaujka. Nejon taxtauil no tapaleuia maj moajokuikan akin momikilijkej achto ke nemiskia Jesús (Hech. 24:15).
11-17 METSTI FEBRERO
TAMACHTILIS TEIN KIPIA BIBLIA | ROMANOS 4-6
“Dios techueyinextilia iueyitetasojtalistsin”
w11 15/6 pág. 12 § 5
Dios technextilia ke techtasojta
5 Pablo kimelaua ika nejin tajtolmej: “Itechkakopaka ne achtopa tagat Adán ten motajtakolmakak in tajtakol momauak ya tech nochi senmanauak. Uan no tikmatij ke ongak mikilis nochi senmanauak ika por ne tajtakol [...] porin nochi in taltikpakuani motajtakolmakakke” (Rom. 5:12). Dios techpaleuia maj tikajsikamatikan nejin tajkuilol ika okseki tajkuilolmej tein moajsij itech Biblia. Jiova kinchijchiuak Adán uan Eva kemej amo kipiaskiaj tajtakol kemej yejuatsin. Satepan, kinmakak se tanauatil tein amo ouij kichiuaskiaj uan kiniluij ke komo amo kitakamatiaj, momikiliskiaj (Gén. 2:17). Sayoj ke, yejuan amo kitakamatkej Jiova uan kinextijkej ke amo kinekiaj maj kinmaka tanauatilmej nion maj kinixyekana (Deu. 32:4, 5).
w11 15/6 pág. 12 § 6
Dios technextilia ke techtasojta
6 Satepan ke Adán taixnamikik ompa Edén, yolkej ikoneuan. Yejua ika, nochin kinpanoltilij tajtakol uan tajyouilis. Sayoj ke, Jiova amo kintajtakoltij tein kichiuak Adán porin amo yejuan akin amo kitakamatkej itanauatil. Uan no, itech nejon tonalmej ayamo onkaya okseki itanauatiluan (Gén. 2:17). Maski ijkon, nochin kinpanoltilij tajtakol. Yejua ika, kichiuayaj tein amo kuali uan momikiliayaj. Satepan, Dios kinmakak Tanauatil israelitas tein senkis kinextij ke kipiayaj tajtakol (xikonixtajtolti Romanos 5:13, 14). Tajtakol tein Adán techpanoltilij kemej yeskia se kokolis tein tetatmej kinpanoltiliaj ininkoneuan, sayoj ke amo nochin konemej kinijtakoua. Tajtakol tein Adán techpanoltilij nochin techijtakoua. Tinochin timopanoltiliaj tajtakol uan titajyouiaj. ¿Uelis moyektalis?
w11 15/6 pág. 13 § 9, 10
Dios technextilia ke techtasojta
9 ¿Toni kijtosneki keman moijtoua ke “Yejuatsin techpouak ke tiyolchipauke”? Akin kikepak Biblia akin achto ika titajtojkej, kijkuiloj ke nejon tajtolmej kemej yeskia mochiua keman kimelauaj aksa. Amo kijtosneki ke aksa uelis mopatas, ta ke Dios kiita ke chipauak. Itech nejin neskayot, Dios kemej yeskia Tamelaujkej akin kiixtalia se taman tein kipaleuis akin kiteluiliaj. Akin tajtakolej moajsi iixpan tamelaujkej ompa iluikak, sayoj ke kitapojpoluia.
10 ¿Keniuj “Tamelaujkej itech nochi taltikpak” ueliskia kinextis imelaujkayo uan kitapojpoluis akin amo yolmelauak? (Gén. 18:25.) Ueliskia kichiuas porin kiualtitanik iKonetsin nikan taltikpak. Jesús nochipa kichiuak tein iPopaj kinauatij maski kipanok miak tayejyekolis, kikejkelojkej uan kitajyouiltijkej. Amo keman kikauak Dios hasta keman kimiktijkej itech se kouit (Heb. 2:10). Kemej kitemakak inemilis tein amo kipiaya tajtakol, techmakixtij tinochin tiikoneuan Adán oso techpaleuij maj amo nochipa techijtako tajtakol uan mikilis (Mat. 20:28; Rom. 5:6-8).
Maj tiktemokan tamachtilis ika nejmachkayot
w08 15/6 pág. 29 § 7
Tein moixtajtoltia itech amatajkuilol Romanos
6:3-5 ¿Toni kijtosneki ke taixpejpenalmej moauiaj “iuan Cristo Jesús” uan moauiaj “keme Cristo Jesús momikilij”? Keman Jiova kinixpejpena taixpejpenalmej ika iyektikatsin espíritu, yejuan peua pouij iuan Jesús uan itech inechikol Dios, kampa Cristo taixyekana (1 Cor. 12:12, 13, 27; Col. 1:18). Ijkon moauiaj iuan Cristo. Yejuan no moauiaj “keme Cristo Jesús momikilij” porin kikauaj miak taman uan amo kichiaj nemiskej nochipaya nikan taltikpak. Yejua ika, keman momikiliaj kemej yeskia motemakaj kemej kichiuak Jesús, maski ininmikilis amo uelis techmakixtis. Taixpejpenalmej senkis moauiaj itech imikilis Cristo keman momikiliaj uan kiseliaj nemilis ompa iluikak.
¿Uelis oksepa nikinitas nouejkaujtatuan?
Keman moajokuiskej akin amo yolkualmej, ¿moijtos toni kinnamiki kiseliskej ika tein kichiujkej achto ke momikiliskiaj? Amo. Biblia kijtoua: “Akin momikilia ompa tami itajtakol” (Romanos 6:7, TNM). Kemej tikitaj, keman momikilijkej akin amo yolkualmej kiixtaujkej inintajtakoluan, yejua ika moijtos toni kinnamiki kiseliskej ika tein kichiuaskej satepan ke moajokuiskej, amo ika tein kichiujkej achto ke momikiliskiaj. ¿Keyej tel kuali nejon?
18-24 METSTI FEBRERO
TAMACHTILIS TEIN KIPIA BIBLIA | ROMANOS 7, 8
“¿Tikchixtokej ika ueyi tanejnekilis?”
Jiova techmaka yekmelauj nemakixtilis
17 Keman Pablo kimelauak nemakixtilis tein Jiova kinmakas itekitikauan nikan taltikpak, kinextij ke “itachijchiualis Dios kichixtok ika ueyi yoltanejnekilis maj monextikan ikoneuan Dios”. Satepan kijtoj: “Itachijchiualis Dios kiajchiuiliskej ijtakauilis uan kipias ueyi nemakixtilis kemej tein kipiaj ikoneuan Dios” (Rom. 8:19-21, NM). Itech nejin tajkuilol, “itachijchiualis Dios” yejuan taltikpakneminij tein kichiaj nemiskej nochipaya nikan taltikpak, uan kiseliskej tein kuali keman ‘monextiskej’ ikoneuan Dios tein taixpejpenalmej. Nejin peuas keman taixpejpenalmej moajokuiskejya ne iluikak, uan kipaleuiskej Cristo maj motachipaua nikan taltikpak uan maj kinpanoltikan “uel miak tagayot” itech taltikpak kampa nochi yankuik yeski (Apo. 7:9, 14).
w12 15/3 pág. 23 § 11
Maj tiyolpakikan itech tein tikchiaj tikseliskej
11 Jiova kinmatiltij taltikpakneminij ke satepan ueliskia kiseliskej tein kuali keman motenkauak ke se konetsin kinmakixtiskia uan kinpaleuiskia maj amo kinijtako “in kouat” oso Satanás (Gén. 3:15; Apoc. 12:9). Nejon konetsin okachi kiixnextia Jesucristo (Gál. 3:16). Keman momikilij uan moajokuik tapaleuij maj taltikpakneminij kichiakan maj kinkixtilikan tajtakol uan mikilis. Tein Jiova motenkauak no mochiuas keman ‘monextiskej ikoneuan Dios’. ¿Kemanian monextiskej? Keman taixpejpenalmej ompa iluikak, akin no kiixnextiaj konetsin tein Dios motenkaujka ke ejkoskia, kipaleuiskej Cristo maj kiixpolo nochi tein Satanás kiixyekana (Apoc. 2:26, 27). Ijkon kinmakixtiskej okseki ichkamej keman mochiuas okachi ueyi tajyouilis (Apoc. 7:9, 10, 14).
w12 15/3 pág. 23 § 12
Maj tiyolpakikan itech tein tikchiaj tikseliskej
12 Keman Cristo taixyekantos Mil xiujmej, taltikpakneminij kualtsin nemiskej. Ijkuak, no ‘monextiskej ikoneuan Dios’ porin tekitiskej kemej tiopixkamej iuan Cristo. Yejuan kichiuaskej maj nochin kiselikan tein kuali ika imikilis Jesús tein kitemakak. Keman taixyekantos iTekiuajyo Dios, taltikpakneminij akin tatakamatiskej yolik kikaujtiyaskej tajtakol uan mikilis. Dios yolik ‘kinajchiuilis ijtakauilis’. Komo itech nejon mil xiujmej amo kikauaj Jiova uan tatakamatij keman mochiuas ueyi tayejyekolis, nochipa kiitaskej ke inintokay ijkuiliujtok itech “libro kampa ijkuiliutok in tokayme de nochi nekes” akin nemiskej nochipaya uan kipiaskej “ueyi nemakixtilis kemej tein kipiaj ikoneuan Dios” (Apoc. 20:7, 8, 11, 12). ¡Semi kualtsin tein tikchiaj!
Maj tiktemokan tamachtilis ika nejmachkayot
¿Tikonelnamiki?
¿Toni kijtosneki se yoltanemilijtinemis “itech totalnamikilis ten kualkui tajtakol” uan itech “tamachilis ten kualkui in [y]ektikatsin [e]spíritu”? (Rom. 8:6.)
Akin ‘yoltanemilijtinemi sayoj itech talnamikilis tein kiualkui tajtakol’ sayoj tanemilia itech itanejnekilis uan nochipa ika tajtoua. Nejin teualkuilia mikilis. Akin ‘yoltanemilijtinemi sayoj itech tamachilis tein kiualkui yektikatsin espíritu’ kitayekanaltia itekiyo Dios uan momachtia tanemilis kemej yejuatsin. Kikaua maj Jiova kiyekana itanemilil ika iespíritu. Nejin teualkuilia nemilis uan yolseuilis (w16.12, páginas 12 hasta 14).
w09 15/11 pág. 7 § 20
¿Toni tikonnextia keman tikonchiua netataujtil?
20 Kemansa, xa amo tikmatiskej toni titajtaniskej keman timotataujtiskej toselti. Pablo kijtoj: “Kuejmol yejua ke amo tikmatij tein moneki titajtaniskej itech netataujtil ika tein techpoloua, sayoj ke espíritu techtajtouia ika chokalis tein amo kipia tajtolmej. Sayoj ke [Dios], akin kiita toyolo kimati toni kineki kijtos espíritu” (Rom. 8:26, 27, TNM). Jiova kichiuak maj moijkuilo itech Biblia ininnetataujtiluan miakej. Yejua ika, kimati tein kinekiaj kijtoskej akin kijkuilojkej Biblia. Uan no, tel kuali techixmati. Yejua ika, kikaki nejon netataujtilmej tein yejuatsin kichiuak maj moijkuilokan kemej yeskia tejuan timotataujtijtokej uan technankilia. Jiova kinankilia tonetataujtiluan keman espíritu “techtajtouia”. Keman okachi tikixmatiskej iTajtol Dios, okachi amo ouij techkisas tikmatiskej tein moneki titajtaniskej.
25 METSTI FEBRERO HASTA 3 METSTI MARZO
TAMACHTILIS TEIN KIPIA BIBLIA | ROMANOS 9-11
“Neskayot ika olivo kouit”
w11 15/5 pág. 23 § 13
¡Semi ueyi itamatilis Dios!
13 Pablo kijtoua ke ikoneuan Abrahán kemej yeskia imakoujyo se olivo kouit tein kitokkej (Rom. 11:21). Nejon kouit kiixnextia keman mochiua tein Dios motenkauak iuan Abrahán. Inaluayo kouit yektik uan kiixnextia Jiova, porin yejua akin kichiua maj nemikan akin pouij itech Israel espiritual oso taixpejpenalmej (Isa. 10:20; Rom. 11:16). Koujtsontet kiixnextia Jesús, akin okachi kiixnextia konetsin tein ualeuaskia itech ichankauan Abrahán. Uan imakoujyo kinixnextia nochin akin no peuak pouij kemej ikoneuan Abrahán.
w11 15/5 pág. 24 § 15
¡Semi ueyi itamatilis Dios!
15 Komo ijkon, ¿keniuj Jiova kichiuak tein motenkauak? Pablo kijtoua ke yejuatsin kiixpatak imakoujyo olivo kouit ika okseki tein kikixtij itech olivo kouit tein mochiua koujtaj (xikonixtajtolti Romanos 11:17, 18). Yejua ika, taixpejpenalmej akin ualeuayaj itech tataman altepemej, kampa no pouiaj tokniuan kayomej Roma akin amo katkaj judíos, peuak pouij itech nejon olivo kouit. Ijkon, peuak pouij kemej ikoneuan Abrahán. Maski yekinika amo ueliskia pouiskej itech nejon netenkaualis porin katkaj kemej imakoujyo olivo kouit tein mochiua koujtaj, Jiova kichiuak maj ueli pouikan kemej judíos ompa iluikak (Rom. 2:28, 29).
w11 15/5 pág. 25 § 19
¡Semi ueyi itamatilis Dios!
19 Melauak ke tel kualtsin mochiujtok tein Dios kinekia iuan “Israel ten Yejuatsin moinaxkatilij” (Gál. 6:16). Pablo kijtoj ke “Dios kintamimakixtis [...] ipueblojkauan de Israel” (Rom. 11:26). Itech tonal tein Jiova kiixtalijya, “ipueblojkauan de Israel”, oso nochin taixpejpenalmej tekitiskej ompa iluikak kemej tekiuanij uan tiopixkamej. ¡Nion teyi ueli kitsakuilia maj mochiua tein Dios kiixtalia!
Maj tiktemokan tamachtilis ika nejmachkayot
Maj timokauakan maj techyektali Jiova keman techmelaua
5 Sayoj ke, ¿keniuj kitekitiltia itanauatil Jiova kemej Ueyi Sokikonchiujkej iniuan akin senkis amo kinekij maj kinyektali? Keman sokikonchiujkej kiouijmaka kichijchiuas se tapalkat tein kineki, xa monekis ika nejon sokit kichijchiuas okse taman tapalkat oso kitamotas. Nejon miakpa panoua porin yejua amo yekmaueli. Sayoj ke nejon amo keman kipanoua Sokikonchiujkej Jiova (Deut. 32:4). Keman aksa amo mokaua maj Dios kiyektali, nochipa itajtakol taltikpaknenkej. Jiova kikui itanauatil iniuan taltikpakneminij kemej tanankiliskej ijkuak kineki kinyektalis. Akin mokauaj maj kinyektali mochiuaj kemej teisa tein kualtia. Kemej neskayot, tokniuan taixpejpenalmej mochiuaj kemej tapalkamej “ten semi kualtsin tachijchiu uan takualnextil”, tein kijtosneki ke ‘kinueyiyolijneliaj’. Sayoj ke akin senkis kiixnamikij Jiova, mochiuaj tapalkamej akin “kiseliske tatsakuiltilis” (Rom. 9:19-23).
it-1 pág. 456 § 4
Kitelneki
Keman se kitelneki se kichiuas teisa maski se mopolojtok. Kemansa, uelis se kitelnekis se kichiuas teisa ika nochi se iyolo maski se mopolojtok uan maski Dios amo kiyolpaktia. Yejua nejon kinpanok miakej judíos akin nenkej itech yekinika siglo. Yejuan kijtouayaj ke kitakamattoyaj Tanauatil tein kiselij Moisés. Sayoj ke Pablo kinextij ke mopolojtoyaj porin amo kipiayaj ajsitok taixmatilis. Yejua ika, amo ueliskia kijtoskej ke kitakamattoyaj Dios. Yejuan monekia kiajsikamatiskej ke mopolojtoyaj uan monekia mokepaskej iuan Dios keman takuaujtamatiskiaj itech Cristo uan ijkon Dios kinnextiliskia imelaujkayo uan kinkixtiliskia tatsakuiltilis tein moijtouaya itech Tanauatil (Ro 10:1-10). Semej yejuan katka Saulo tein kayot Tarso. Kemej semi kinekia kitakamatis inintaneltokalis judíos, ‘kintajyouiltiaya ne taneltokanij de Cristo’ uan kitelnekia ‘kitajtamis ne taneltokalis’. Semi kitakamatia Tanauatil uan hasta kijtouaya ke ‘amo akin ueliskia kiteluilis ika tajtakol’ (Gál 1:13, 14; Flp 3:6). Sayoj ke mopolojtoya. Maski ijkon, kemej kichiuaya ika nochi iyolo, Jiova kinextilij iueyi teiknelilis itechkopa Cristo uan kipaleuij maj moajsi itech taueyichiualis tein melauak (1Ti 1:12, 13).