TAMACHTILIS 4

Xikonijto keyej tikonixtajtoltiti se texto

Mateo 22:41-45

TEIN MONEKI TIKONCHIUAS: Xikonpaleui takakinij maj kiajsikamatikan keyej tikonixtajtoltiti se texto.

Kuali xikonita keyej tikonixtajtoltiti se texto. Achto ke tikonixtajtoltis, xikonijto teisa tein kinpaleuis akin mitsonkakij maj kiitakan tanemilil tein tikonneki tikonnextis.

Xikonita keniuj mouika nejon texto ika tein achto kijtoua uan ika tein satepan. Xikonijto akoni kijtoj uan akoni kijkuiloj nejon amaix.
Nochipa xikontayekanalti Biblia. Keman tiontajtos iniuan akin kineltokaj Dios, xikonnexti ke Biblia yejua iTajtol Dios uan ke titamachtiaj itanemililuan.
Xikonchiua maj kinekikan kimatiskej tein kijtoua texto. Xikonchiua se netajtanil tein texto kinankilis, xikonijto se kuejmol tein texto kipaleuis maj momelaua oso xikonijto se tayolmajxitilis tein techmachtia se neskayot itech Biblia.

Achto ke tikonpanoltis se tamachtilis oso tikonixtajtoltis se texto, xikonnemili toni kimatijya akin mitsonkaktokej. Xikonchiua maj kinekikan kiixtajtoltiskej texto maski kiixmatijya uan xikonpaleui maj okachi kuali kiajsikamatikan oso maj kiitakan keniuj no uelis kinpaleuis.