Xikonpapata motajtol ijkon kemej kinamikis

Mateo 10:27

TEIN MONEKI TIKONCHIUAS: Xikonpapata kemej tiontajtoua kemej kinamikis, xiontajto ijsiujka oso yolik, nejon mitsonpaleuis okachi kuali xikonnexti tanemililmej uan maj tamachtilis kinyololini takakinij.

KENIUJ TIKONCHIUAS:

• Xiontajto chikauak oso yemanik kampa kinamikis. Xiontajto chikauak keman tikonnekis tikonnextis tanemililmej tein tayekantokej uan keman tikonnekis tikonyololinis akin mitsonkakij. No ijkon xikonchiua keman ixnesis ke Jiova kijtojtok se tatsakuiltilis. Amo semi chikauak xiontajto keman tikonnekis maj akin mitsonkaktokej kinekikan kimatiskej okachi oso keman tikonneki tikonnextis moujkayot oso netekipacholis.

• Xiontajto kemej kinamikis. Xikonpata motajtol keman tikonnekis tikonnextis yolpakilis oso keman ika tiontajtos teisa tein ueyi oso tsikitsin, tein moajsi uejka oso amo. No ijkon xikonchiua keman tikonnekis tikonnextis tayokol oso netekipacholis.

• Xiontajto yolik oso ijsiujka kampa kinamikis. Komo tikonneki tikonnextis yolpakilis xiontajto okachi ijsiujka oso yolik keman tikontematiltis se tanemilil tein motelneki.