TAMACHTILIS 05
Biblia kijtoua tein Dios kineki maj tikmatikan
Jiova techtayokolij se taman tein semi kualtsin, 66 amatajkuilolmej tein kipia Biblia. Sayoj ke, xa tionmotajtania: “¿Keniuj nesik Biblia? ¿Akoni kichiuak maj moijkuilo?”. Uelis tikmatiskej nejin komo tikitaj keniuj ueli tikpiaj iTajtol Dios hasta axkan.
1. Komo takamej kijkuilojkej Biblia, ¿keyej tikijtouaj ke uitse imako Dios?
Biblia kijkuilojkej kemej 40 takamej, sekin tominpiayaj uan sekin amo, uan no kipiayaj tataman tekit. Peuak moijkuiloua itech xiuit 1513 achto ke ualaskia Cristo uan motamiijkuiloj itech xiuit 98 itech totonaluan. Yejua ika, Biblia moijkuiloj itech 1,600 xiujmej. Uan maski tatamamej akin kijkuilojkej, ¿keyej tein ompa ijkuiliujtok kitematiltia sayoj se taman tamachtilis? Porin akin kichiuak maj moijkuilo yejua Dios (xikonita 1 Tesalonicenses 2:13). Takamej akin kijkuilojkej Biblia amo kijkuilojkej tein yejuan kinemilijkej, ta “tanojnotstinenke itenkopaka Totajtsin Dios porin in [y]ektikatsin [e]spíritu [...] kintanemililtij” (2 Pedro 1:21).a Ika iyektikatsin espíritu, Dios kichiuak maj nejin takamej kijkuilokan tein kinemilia (2 Timoteo 3:16).
2. ¿Akonimej uelis kinpaleuis Biblia?
Akin nemij itech “nochi paísme [...] tataman tagayot [...] tataman pueblojuani uan [...] ten tajtoaj ika tataman tajtolis”, nochin uelis kikakiskej kuali tanauatilmej tein moajsi itech Biblia (xikonita Apocalipsis 14:6). Dios kichiuak maj moijkuilo itech miak tajtolmej, nejin amatajkuilol yejua tein okachi motajtolkepani uan amo kemej okseki amatajkuilolmej. Semi miakej uelis kimatiskej tein kijtoua Biblia maski seseko kayomej uan maski tajtoskej okse tajtol.
3. Maski Biblia ueliskia ixpoliuis, ¿toni kichiuak Jiova para kipaleuis?
Biblia moijkuiloj itech seki taman tein niman uejueliui, kemej ininkuetaxyo tapialmej uan tein kikixtiliayaj ikoujyo se xiuit tein monotsa papiro. Sayoj ke seki takamej akin kitasojtayaj tein tamachtia Biblia, miakpa kimaijkuilojkej uan kijkuilojkej kemej monekia. Maski miakej tekiuanij uan akin taixyekanayaj itech taneltokalis kitemouayaj kiixpoloskej Biblia, oksekin motemakakej maj kinmiktikan porin amo kinekkej maj ixpoliui. Jiova amo kikauani maj nion akin uan nion teyi kitsakuili maj tinochin tikpiakan, porin Biblia kijtoua: “Itajtol toDios uejkaua nochipaya” (Isaías 40:8).
MAJ OKACHI TIMOMACHTIKAN
Maj tikitakan keniuj Dios kichiuak maj seki takamej kijkuilokan Biblia, keniuj amo kikauani maj kiixpolokan uan maj nochin kipiakan.
4. Biblia kijtoua akoni kichiuak maj moijkuilo
Xikitakan VIDEO. Uan xikitakan 2 Timoteo 3:16 uan ika xitajtokan nejin:
Komo takamej kijkuilojkej Biblia, ¿keyej moijtoua ke iTajtol Dios?
¿Keyej tikmatij ke Dios kichiuak maj takamej kijkuilokan itanemililuan?
Tajkuilojkej sayoj kijkuiloua tein iteko kiluia, no ijkon panok keman kijkuilojkej Biblia. Maski kijkuilojkej takamej ijkuiliujtok tein Dios kineki maj tikmatikan.
5. Biblia miakpa kinekiaj kiixpoloskej
Komo Biblia uitse imako Dios amo keman kikauas maj kiixpolokan. Ijkon kemej panouanij xiujmej, miakej tekiuanij kinekiaj kiixpoloskej Biblia. Uan no, sekin akin taixyekanayaj itech taneltokalis amo kinekiaj maj nion akin kilero. Sayoj ke, maski miakej kinixnamikiaj uan ueliskia kinmiktiskej, motemakakej porin amo kinekiaj maj kiixpolokan Biblia. Xikonixmati semej nejin takamej, xikitakan VIDEO uan ika xitajtokan nejin:
Kemej miakej motemakakej maj kinmiktikan porin amo kinekiaj maj kiixpolokan Biblia, ¿keyej okachi tikonneki tikonleros?
Xikitakan Salmo 119:97 uan ika xitajtokan nejin:
¿Keyej miakej kitajtolkepkej Biblia uan tapaleuijkej maj momoyaua maski ueliskia kinmiktiskej?
6. Se amatajkuilol tein nochin uelis kipiaskej
Biblia yejua amatajkuilol tein okachi motajtolkepani uan semi miakej kipiaj. Xikitakan Hechos 10:34, 35 uan ika xitajtokan nejin:
¿Keyej Jiova kineki maj Biblia moajsi itech semi miak tajtolmej uan maj nochin kipiakan?
¿Keyej tikonmoujkaita maj axkan tikpiakan Biblia?
Itech nochi taltikpak,
semi miakej
ueli kilerouaj Biblia itech se tajtol tein kiixmatij
Moajsi itech panoua
3,000
tataman tajtolmej,
Biblia tein ajsitok oso sayoj seki amatajkuilolmej
Kemej
5,000 millones
Mokixtiani Biblia itech amat.
Yejua tein okachi mokixtiani ke okseki amatajkuilolmej
TEIN SEKIN KIJTOUAJ: “Biblia sayoj se amatajkuilol tein uejkaujya kijkuilojkej takamej”.
¿Toni tikonnemilia tejuatsin?
¿Keniuj tikmatij ke Biblia yejua iTajtol Dios?
TEIN TIKITAKEJ
Biblia yejua iTajtol Dios uan yejuatsin kichiuani maj nochin kipiakan.
Maj tikelnamikikan
¿Keniuj tikmatij ke Dios kichiuak maj moijkuilo Biblia?
¿Toni okachi tikonmoujkaita tein tikitakej itech nejin tamachtilis?
¿Keniuj tikonita nochi tein Dios kichiuani para tikonpias Biblia?
NO XIKONITA NEJIN
Xikonita nochi tein mochiuak keman yekinika moijkuiloj Biblia hasta tein axkan motajtolkepani.
Xikonita eyi taman tein ueliskia kichiuas maj amo se takuaujtamatiok itech Biblia.
Biblia: ¿keniuj moajsi hasta axkan? (Tanejmachtijkej, tapoual 4 xiuit 2016)
Xikonita tein sekin kinpanok keman kitajtolkepkej Biblia.
Miakpa kimaijkuilojkej uan kitajtolkepkej Biblia. ¿Keniuj uelis tikonmatis ke iTajtol Dios amo mopatani?
“¿Se ha cambiado o manipulado la Biblia?” (Artículo de jw.org)
a Yektikatsin espíritu kijtosneki ichikaualis Dios tein kitekitiltia, kemej momelaua itech tamachtilis 7.