Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia febrero

“¿Tikonnemilia ke Dios kinpia itekitikauan tein sentekitij oso kineki maj sejse kiixejeko keniuj kiueyichiuas? [Xikonkaua maj tanankili.] Nikan kijtoua ke miak xiujmej achtoya, Dios kinpiak itekitikauan tein sentekitiaj.” Xikonnextili La Atalaya 1 de febrero, xiksenitakan tamachtilis tein kiualkui yekinika netajtanil itech página 26 uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

La Atalaya 1 de febrero

“Itech nejin tonalmej kijtouanij miak taman ika Armagedón. ¿Tikonnemilia ke taltikpakneminij uelis kichiuaskej teisa tein ika kitsakuiliskej? [Xikonkaua maj tanankili.] Nikan ixnesi kani mokixtij tajtol Armagedón [xikonixtajtolti Apocalipsis 16:16, ompa xikonnextili iixko amaix]. Nejin amaix kinankilia ika Biblia nejin netajtanilmej.”

¡Despertad! Febrero

“Axkan miakej kiuelitaj monojnotsaskej imiuan oksekin itech Internet. ¿Tikonnemilia ke uelis techijtakos nejon? [Xikonkaua maj tanankili.] Biblia kipia kuali tajtolmej tein techpaleuia maj amo timoijtakokan. [Xikonnextili páginas 6 hasta 9 uan xiksenitakan se netajtanil iuan texto.] Nejin amaix mitsonpaleuis xikonmati toni moneki maj amo tikchiuakan tein uelis techijtakos keman timonojnotsaskej itech Internet.”