“Xiksentokakan xikchiujtokan nejin”
Imikilis Jesús tikelnamikiskej itech tonal 5 metsti abril
1. ¿Keyej motelneki maj tikelnamikikan imikilis Jesús?
1 “Xiksentokakan xikchiujtokan nejin uan ika xinechelnamikikan.” (Luc. 22:19, NM.) Ika nejin tajtolmej, Jesús kinnauatij itatojtokakauan maj kielnamikikan netemaktilis tein kichiuak ijkuak momikilij. Kemej nejin taxtauil tapaleuia ika miak taman, itatojtokakauan Cristo kiitaj tonal keman moelnamiki imikilis Jesús kemej tein okachi motelneki. Nejin xiuit yeski itech tonal 5 metsti abril. Kemej amo uejka poliuiok, ¿keniuj uelis tiknextiskej ke tiktasojkamatiliaj Jiova? (Col. 3:15.)
2. ¿Keniuj keman timomachtiskej uan itech titanemiliskej uelis tiknextiskej ke motelneki tonal ijkuak momikilij Jesús?
2 Maj achto timomachtikan. Keman tikmatij ke mochiuati se taman tein motelneki, achto tikchiuaj tein monekis. Yejua ika, achtopa ijkuak ajsis tonal keman tikelnamikiskej imikilis Jesús, uelis timomachtiskej uan itech titanemiliskej kemej kalyetouanij tein mochiuak achtopa ijkuak kimiktiskiaj Jesús, ijkon tikyektaliskej totanemililuan (Esd. 7:10). Itech calendario uan itech Examinando ixnesi seki versículo tein kijtoua tein mochiuak. Uan itech La Atalaya 1 de febrero 2011, itech página 23 uan 24, kinextia okachi tamachtilis tein teyoleua maj se kiita tein kijtoua El hombre más grande de todos los tiempos.
3. ¿Keniuj keman okachi titekitiskej itech tanojnotsalis uelis tiknextiskej ke motelneki tonal ijkuak momikilij Jesús?
3 Maj titanojnotsakan. Keman okachi titekitij itech tanojnotsalis, nejon okse taman tein ika uelis tiknextiskej ke motelneki imikilis Jesús (Luc. 6:45). Itech tonal sábado 17 metsti marzo peuas se ueyi tekit semanauak taltikpak keman tikinyoleuaskej taltikpakneminij maj touan mosentilikan ijkuak tikelnamikiskej imikilis Jesús. ¿Uelis tikonixtalis okachi tiontanojnotsas oso hasta tiontekitis kemej precursor auxiliar? Nejin uelis nankiixejekoskej itech youak keman nantaueyichiuaskej kemej kalyetouanij.
4. ¿Keniuj techpaleuia maj timosentilikan ijkuak moelnamiki imikilis Jesús?
4 ¡Semi techpaleuia keman xijxiujtika timosentiliaj ijkuak moelnamiki imikilis Jesús! Keman titanemiliaj itech kualtakayot tein kinextij porin kitemakak iyojtsin iKonetsin kemej taxtauil, kichiua maj okachi tiyolpakikan uan maj okachi tiktasojtakan Jiova (Juan 3:16; 1 Juan 4:9, 10). Nejin techyoleua maj amo sayoj tejuan timoyolpaktijtinemikan (2 Cor. 5:14, 15). Nejin no techolinia maj tiknekikan tikueyichiuaskej Jiova senteixtenoj (Sal. 102:19-21). Kemaj, ika miak tasojkamatilis, tiitekitikauan Jiova tikchiaj ika miak pakilis maj ajsi tonal 5 metsti abril keman tikelnamikiskej imikilis Jesús, ta ijkon tiktenextiliskej ke yejua momikiliko nikan taltikpak (1 Cor. 11:26).