Iyolikniuan toTajtsin Dios kichiuaj tlen kuali

Keman tikpiaj se toyolikni tlen tiktlakaitaj uan techpaktia tlen kichiua, tiknekij tikchiuaskej ken ye. Biblia kijtoa: “Yolkuali uan yolmelajki ye Jehová” (Salmo 25:8). Pampa timochiuaskej tiiyolikniuan toTajtsin Dios, moneki timochiuaskej yolkualmej uan yolmelajkej. Biblia kijtoa: “Namejuan xikchiuakan ken Dios kichiua, porque namejuan antepiluan de Dios, iuan amechtlasojtla. Ximotlasojtlakan” (Efesios 5:1, 2). Nikan tikitaj sekimej neskayomej pampa tejuan tikchiuaskej ken Jehová:

Ma tikinpaleuikan oksekimej. “Moneki tinochtin ma tiktechiuilikan tlan kuale.” (Gálatas 6:10.)

Ma titekitikan kuali. “Akin tlachteki, ayakmo ijkon ma kichiua iuan ma peua ma tekipano. Okachi kuale ma tekipano ika imauan para ma kichiua itlaj kuale tekitl.” (Efesios 4:28.)

Ma yeto chipauak tonakayo uan tonemilis. “Amo ma tikchiuakan itlaj tlan uelis techijtlakos itech totlalnakayo iuan itech toanima [“espíritu”, NM]. Kuale ma timoyolchipauakan iuan kuale ma tiktlakitakan in toTajtsin Dios.” (2 Corintios 7:1.)

Ma tikintlasojtlakan uan ma tikintlakaitakan tochanejkauan. “Cada se tlakatl moneki ma kitlasojtla isiua ijkon ken ye motlasojtla, iuan cada se siuatl moneki ma kitlakita iokich. Konemej, [...] moneki xikintlakitakan namotajuan.” (Efesios 5:33–6:1.)

Ma tikintlasojtlakan oksekimej. “Ma timotlasojtlakan se iuan okse, porque in tlasojtlalistle uits de Dios.” (1 Juan 4:7.)

Ma tiktlakamatikan intlanauatiluan tekiuajkej. “Nochtin moneki ma kintlakitakan in tekiuajkej de gobierno. [...] Xiktlaxtlauakan nochi tlan moneki ankitlaxtlauaskej. Xiktlaxtlauakan impuestos iuan renta.” (Romanos 13:1, 7.)