¿TLAJTLANILMEJ ITECH BIBLIA?
¿Tlen techpanoa ijkuak timikij?
SEKIMEJ KINELTOKAJ tiyoltokej oksekan uan oksekimej kijtoaj nochi ompa tlami ijkuak timikij. Uan Tejuatsin, ¿tlen tikneltoka?
BIBLIA TLAMACHTIA
“Akinmej yomikej yejuan ayakmo itlaj kimatij” (Eclesiastés 9:5). Ik non, ijkuak timikij ayakmo kanaj tiyoltokej.
¿TLEN OKSEKI KIJTOA BIBLIA?
Biblia kijtoa achto tlakatl, Adán, oksepa omokuepki tlali ijkuak omikik (Génesis 2:7; 3:19). Ik non, ijkuak ikaj miki mokuepa tlali (Eclesiastés 3:19, 20).
Ijkuak ikaj mikij, toTajtsin Dios kitlapojpoluia nochi itlajtlakoluan (Romanos 6:7). Ik non, ayakmo kanaj tlajyouia ijkuak miki.
¿Uelis oksepa yoltoskej akinmej yomikej?
¿TLEN TITLANANKILISKIA?
Kema
Amo
Uelis
TLEN KIJTOA BIBLIA
“Nochteh non yomikkeh moyolitiskeh” (Hechos 24:15).
¿TLEN OKSEKI KIJTOA BIBLIA?
Biblia kijtoa ijkuak ikaj miki yetoskia ken kochiskia (Juan 11:11-14). ToTajtsin Dios uelis kinmixitis akinmej yomikej ijkon ken tejuan ueli tikixitiaj akin kochi (Job 14:13-15).
Itech Biblia tikinmajsij okseki tlapoualismej tlen techititiaj melauak kinyolitiskej akinmej yomikej (1 Reyes 17:17-24; Lucas 7:11-17; Juan 11:39-44).