¿Tlen kijtoa Biblia?

¿Tlen noso akin Diablo?

¿TIKIJTOSKIA Diablo . . .

... se espíritu?
... itlaj tlen kineskayotia tlen amo kuali tlen totech kajki?
... san itlaj tlen kajki itech tokuayejyekol?

BIBLIA KIJTOA

Diablo omotlapoui iuan Jesús uan okinekiaya “kitoktis matlajtlakolchiwa” (Mateo 4:1-4). Ik non, amo uelis tikijtoskej Diablo san kajki itech tokuayejyekol noso san kineskayotia tlen amo kuali. Ye melauak onka uan amo yolkuali.

¿TLEN OKSEKI KIJTOA BIBLIA?

Kijtoa Diablo okatka se ángel yolkuali, pero “ayik kijtoa tlan milák” (Juan 8:44). Opejki tlakajkayaua uan okixnamik toTajtsin Dios.
Oksekimej ángeles noijki ijkon okichijkej (Apocalipsis 12:9).
Diablo kichiua tlaltikpaktlakamej ma kineltokakan ye amo melauak onka (2 Corintios 4:4).

¿Diablo kinnauatia tlaltikpaktlakamej?

SEKIMEJ KINELTOKAJ non se cuento, pero oksekimej sapanoa momojtiaj intech ma kalakikan amo kuali ejekamej. Uan tejuatsin, ¿tlen timokuayejyekoa?

BIBLIA KIJTOA

“Tlaltikpaktlakah non amo kineltokah Dios kinnawatijtok n satanás” (1 Juan 5:19). Diablo kinnauatia miakej tlaltikpaktlakamej, pero amo uelis nochtin kinnauatis.

¿TLEN OKSEKI KIJTOA BIBLIA?

Kijtoa Diablo tlakajkayaua pampa kineki nochtin kinnauatis (2 Corintios 11:14).
Ualeua amo kuali ejekamej uelis kinauatiskej se tlaltikpaktlakatl (Mateo 12:22).
ToTajtsin Dios mitspaleuis xikixnamiki Diablo ‘para amo mamitstlani’ (Santiago 4:7).

Tla tikneki tikmatis okachi, xikita nin amochtli itech tlamachtil 10, ¿Tlen melauak tlamachtia Biblia?, tlen kichijchiuaj iTlaixpantijkauan Jehová

Noijki uelis tikkixtis itech www.jw.org/ncx.