Pampa okachi kuali titetlapouiskej: ma tikinmijkuilokan akinmej kinekij okachi kimatiskej

“Ximotlachili te monewia iwa kuali xikita tlan tiktemachtia.” (1 Tim. 4:16.) Tlen tlatitlanil Pablo okijkuilili Timoteo techpaleuia pampa okachi kuali titetlapouiskej, maski yiuejkika titetlapouiaj noso yikin tipeuaj. Ik non, itech Toteki itech Tekiuajkayotl uitsej yankuikej tlamachtilmej tlen intoka: “Pampa okachi kuali titetlapouiskej”. Sejse tlamachtil techtlapouis itlaj tlen miak ipati uan ken uelis tikchiuaskej. Itech non metstli nochtin uelis timochijchikauaskej pampa tikchiuaskej ken moijtoa. Uan ijkuak yotlanki metstli, itech Nechikol itech iTeki toTajtsin Dios uits se tlamachtil kanin uelis tikijtoskej ken otechpaleui uan ken okachi kuali uelis tikchiuaskej. Itech nin metstli techyoleuaj ma tikijkuilokan akinmej kinekij okachi kimatiskej.

Tleka miak ipati. Pampa tikchiuaskej toteki amo san moneki titetlapouiskej. Moneki oksepa timokuepaskej uan tikinmachtiskej akinmej kinekij techkakiskej, uan ijkon moskaltis intlaneltokilis (Mat. 28:19, 20; 1 Cor. 3:6-9). Moneki ma timochijchikauakan pampa oksepa tikintlapouiskej, itech tlen kintekipachoa uan itech tlen achto otikintlapouijkej. Ik non, ijkuak tikajsiskej akin kuali techkaki moneki san niman tikijkuiloskej.