Tlamachtilmej para Toteki akinmej tikchiuaj ken Cristo
3-9 DE JUNIO
KEN TECHPALEUIA BIBLIA | GÁLATAS 4-6
“‘Ome siwameh’ itlaj kineskayotiaj”
(Gálatas 4:24, 25) Ninteh ome siwameh kinteajsikamatiltiah ninteh ome tlájtolteh non Dios okinsentlali. Agar kiteititia n tlájtoli non Dios okisentlali kan tepetl Sinaí, iwa akimeh kitlakitah non tlanawátili, ijilpitokeh itech. 25 ¡Agar kitenextia n tepetl non itoka Sinaí non kajki kan tlali de Arabia!, ye n axa Jerusalén. Nin altepetl iwa ipilwah kateh kemi yaskia ilpitokeh itech nin tlanawátili.
it-1-S pág. 65 párr. 1
Agar
Tlatitlanil Pablo okijto Agar okinneskayoti israelitas. Tlajtolsenkaualistli itech Tlanauatil tlen omochi itech tepetl Sinaí okinpaleui israelitas ma mouikakan iuan Jehová, ‘iwa akimeh okitlakitayah non tlanawátili, oijilpitokah itech’. Israelitas okatkaj tlajtlakolejkej, ik non, amo okitlakamatkej non tlajtolsenkaualistli. Okikauilijkej tlajtlakoli ma kinnauati, ik non, oixpolikej (Juan 8:34; Rom. 8:1-3). Ijkuak okatka Pablo, Agar okineskayoti Jerusalén porque ‘nin altepetl iwa ipilwah okatkah kemi yaskia ilpitokah itech non tlanawátili’. Pero akinmej okinpejpenkej ika espíritu santo, yejuan ikoneuan “Jerusalén non kajki ilwikak” uan kineskayotia isiua toTajtsin Dios. Ijkon ken Sara, “Jerusalén non kajki ilwikak” “amo kajki imak non tlanawátili”. “Pero ijkó kemi Ismael, [...] okitlawelitak n Isaac”, noijki ijkon, akinmej ochantiayaj Jerusalén okintlajyouiltijkej ikoneuan “Jerusalén non kajki ilwikak” (akinmej Jesús okinmakixti). Agar uan ikone okinkixtijkej, noijki ijkon Jehová ayakmo okinseli israelitas (Gál. 4:21-31; noijki xikita Juan 8:31-40).
(Gálatas 4:26, 27) Pero n Jerusalén non kajki ilwikak amo kajki imak non tlanawátili, iwa tejwah titepilwah de non Jerusalén. 27 N tiotlajkuiloli kijtoa: Xipaki te siwatl non amo tikimpia mopilwah; xitsajtsi ika pakílistli te non amo tikixmati kenijki tekoko ijkuak se siwatl kipia se ikone. Porke n siwatl non okikakajtejkeh kimpias okachi ipilwah iwa amo n siwatl non kipia [inamik].
Melauak xitlaneltoka itech Tekiuajkayotl
11 Tlajtolsenkaualistli tlen Jehová okichi iuan Abrahán achto omochi ijkuak iixuiuan okimoaxkatijkej Tlali tlen Jehová okinmilui Kinmakaskia. Pero Biblia techiluia nin tlajtolsenkaualistli satepan noijki mochiuaskia (Gál. 4:22-25). ToTajtsin Dios okimatilti tlatitlanil Pablo tlen okachi ipati itech iixuiuan Abrahán yetoskia Cristo uan noijki 144,000 tlen okinpejpenkej ika espíritu santo (Gál. 3:16, 29; Apoc. 5:9, 10; 14:1, 4). Iixuiuan nesij itech “Jerusalén non kajki ilwuikak”, kijtosneki ialtepe toTajtsin Dios, uan kiyektlaliaj nochtin akinmej katej iluikak uan yolmelajkej (Gál. 4:26, 31). Ijkon ken kijtoa tlajtolsenkaualistli iuan Abrahán, iixuiuan siuatl kinteochiuaskiaj tlaltikpaktlakamej.
(Gálatas 4:28-31) Nokniwah, tejwah timochiwah kemi Isaac, tejwah titepilwah non Dios okisentlali kimakas n Abraham. 29 Pero ijkó kemi Ismael, non otlákatki kemi tlakatih nochteh n kokoneh, okitlawelitak n Isaac, non otlákatki ika iweletilis Espíritu. Ijkó axa noiwa tlamochijtok. 30 Pero itlajkuilol Dios technextilia tlan Dios okili Abraham: “Xikixti de mocha moteska Agar iwa ikone, porke ikone moteska amoweletis tiktlaaxkatiskeh sansikah iwa n ikone mosiwa Sara.” 31 Ijkó kiné nokniwah, tejwah amo ipilwah Agar non okatka tlanémaktli, yej titepilwah de Sara non amayik okatka tlanémaktli.
Ma tiktemokan ken techpaleuia Biblia
(Gálatas 4:6) Iwa ken ya titepilwah, Dios okitítlanki itech toyolo Iespíritu Ikone, iwa Iespíritu techpalewia matiknotsakah: “¡Abba, [N]otata!”
w09-S 1/4 pág. 13
¿Otikmatiaya?
¿Tleka ijkuak Jesús omotlatlaujti okijto “¡Abba, [N]otata!”?
Ika arameo tlajtoli ʼab·baʼʹ ueli motlajtolkopa ken “notajtsin” noso “oh noTajtsin”. Itech Biblia eyi uelta ijkuilitok non tlajtoli para Jehová toTajtsin Dios akin kajki iluikak. Non tlajtoli kajki kanin ijkuilitok tlen okitlatlaujtijkej Jehová. Pero ¿tleka Jesús okitekitilti non tlajtoli?
Amochtli tlen itoka The International Standard Bible Encyclopedia kijtoa: “Ijkuak Jesús okatka nikan tlaltikpak, konemej nochipa okijtoayaj ʼabbāʼ, ijkuak okinotsayaj intajtsin. Ijkon okiteititiayaj okitlasojtlayaj uan noijki okitlakaitayaj”. Ijkuak konemej opeuayaj tlajtoaj achto omomachtiayaj non tlajtoli uan ijkon okinotsayaj intajtsin. Itech se tonal miak ipati Jesús okijto non tlajtoli. Ijkuak ayamo okimiktiayaj uan okatka itech xochitlali Getsemaní, okitlatlaujti Jehová ika nochi iyolo uan okijto: “Abba, [N]otajtsi” (Marcos 14:36).
Non amochtli noijki kijtoa: “Amochmej tlen okinmijkuilojkej judíos ijkuak otlayekanayaj griegos uan romanos, amo okachi okijkuilojkej tlajtoli ʼabbāʼ para kinotsaskej toTajtsin Dios. Xamo omokuayejyekoayaj tla kijtoskiaj non tlajtoli, kiteititiskiaj amo tetlakaitaj”. Pero non amochtli noijki kijtoa: “Jesús okijto [...] non tlajtoli ijkuak omotlatlaujti uan ijkon okiteititi kuali omouikaya iuan toTajtsin Dios”. Itech Biblia ok ijkuilitok ome uelta tlajtoli “Abba” uan tikajsij itech cartas tlen okinmijkuilo tlatitlanil Pablo. Non kiteititia akinmej okichiuayaj ken Cristo noijki okijtoayaj non tlajtoli ijkuak okitlatlaujtiayaj toTajtsin Dios (Romanos 8:15; Gálatas 4:6).
(Gálatas 6:17) Axa ik tlayakapa ayakmó nikneki aka manechtlajtoltemoli, porke itech nokuerpo nestok kenomi onechtlaijyowiltijkeh ken nikneltoka Jesús.
w10-S 1/11 pág. 15
¿Otikmatiaya?
¿Tleka Pablo okijto: “Itech nokuerpo nestok kenomi onechtlaijyowiltijkeh ken nikneltoka Jesús”? (Gálatas 6:17).
▪ Itech achto siglo, tokniuan tlatlamantli okajsikamatiayaj tlen okijto Pablo. Yiuejkika akinmej okinkitskiayaj itech guerras, akinmej otlachtekiayaj itech teokalmej uan akinmej okatkaj tlakeualmej, tla okinekiayaj choloskej, okintlaliliayaj se marca itech intlalnakayo ika se tepostli sapanoa totonik. Non marca okintlaliliayaj para kinpinauiskiaj.
Pero amo nochtin akinmej okipiayaj marcas itech intlalnakayo okiteititiaya okinpinauiayaj. Sekimej okipiayaj para kiteititiskiaj oksekan inmialtepe noso okipiayaj se religión. Amochtli tlen itoka Theological Dictionary of the New Testament kijtoa: “Sirios okiueyichiuayaj teotsin Hadad uan Atargatis uan okiteititiayaj ika marcas tlen okimotlaliliayaj itech inma noso itech inkech. Akinmej okiueyichiuayaj Dionisio okimotlaliliayaj se marca ken se xiuitl”.
Miakej tlen momachtiaj Biblia, kijtoaj Pablo okijto okipiaya marcas porque okitlajyouiltijkej ijkuak otetlapouito itech okseki altepemej (2 Corintios 11:23-27). Pero ijkuak okijto “nokuerpo nestok kenomi onechtlaijyowiltijkeh ken nikneltoka Jesús” xamo amo okinekiaya kijtos okipiaya marcas itech itlalnakayo, okinekiaya kijtos ken okipiaya inemilis.
10-16 DE JUNIO
KEN TECHPALEUIA BIBLIA | EFESIOS 1-3
“Jehová otlayektlali para kichiuas tlen kineki”
(Efesios 1:8, 9) Dios okipixki teiknomatilis ijkuak otechmák nochi ixtlamatílistli iwa tlalnamikílistli. 9 Iwa otechmatilti tlan Ye kimonekiltia, iwa tlan Ye inewia okijto kichiwaskia non amaka okimatia.
it-2-S pág. 981 párr. 2
“Non amaka okimatia”
Tekiuajkayotl mesiánico. Tlatitlanil Pablo okijkuilo tlen Jehová okimatilti “non amaka okimatia”. Efesios 1:9-11 kijtoa toTajtsin Dios okichi ma kimatikan tlen “amaka okimatia”. Ompa kijtoa: “Ye inewia okijto kichiwaskia non amaka okimatia. Ye ni tlan kichiwas ijkuak ajsiki n tonati, Dios kiseitilis nochi tlan onka ilwikak iwa itech n tlaltíkpaktli imak Cristo para makinawatijto. Akimeh tikateh iwan Cristo, Dios yotechpéjpenki desde achto para matikselikah tlan yotechkakitijkeh techmakaskeh. Iwa nochi ni mochiwas kemi Dios yokijto kichiwas, Akin nochi kichiwa kemi Ye kimonekiltia”. “Non amaka okimatia” ompa poui Tekiuajkayotl mesiánico. Pablo noijki okijto “tlan onka ilwikak”, kijtosneki akinmej tlanauatiskej iuan Cristo itech non Tekiuajkayotl. “Tlan onka [...] itech n tlaltíkpaktli” kijtosneki akinmej kinnauatis non Tekiuajkayotl. Jesús okinmilui imachtijkauan yejuan okinmititijkej tlen poui itech tlen amikaj okimatia, ye iTekiuajkayo toTajtsin Dios (Mar. 4:11, TNM).
(Efesios 1:10) Ye ni tlan kichiwas ijkuak ajsiki n tonati, Dios kiseitilis nochi tlan onka ilwikak iwa itech n tlaltíkpaktli imak Cristo para makinawatijto.
w12-S 15/7 págs. 27, 28 párrs. 3, 4
Jehová kinnechikoa ikalchanejkauan
3 Tlen kichiua Jehová mouika ika tlen mokuayejyekoa kichiuas satepan. Biblia kijtoa ‘ijkuak oajsik n tonatiʼ Jehová opejki tlayektlalia para nochtin akinmej katej iluikak uan akinmej katej tlaltikpak san sekan ma tekitikan (xiktlajtolti Efesios 1:8-10). Okiyektlali ome tlamantli. Se, okinnechiko uan okinpaleui tlapejpenalmej para yetoskej iluikak iuan Jesucristo, akin kinyekana. Non opejki itech Pentecostés xiuitl 33, ijkuak Jehová okinnechiko nochtin akinmej tlanauatiskej iuan Jesús ompa iluikak (Hech. 2:1-4). Imikilis Jesús kinpaleuia tlapejpenalmej para toTajtsin Dios ma kinmita yolmelauakej uan ijkon nochipa yoltoskej, ik non, kajsikamatij okinselijkej ken “tepilwah de Dios” (Rom. 3:23, 24; 5:1; 8:15-17).
4 Ome, Jehová kinnechikoa uan kinpaleuia akinmej chantiskej itech xochitlali nikan tlaltikpak uan Tekiuajkayotl mesiánico kinnauatis. Ompa pouij “senmiaktikeh tlaltikpaktlakah” (Apoc. 7:9, 13-17; 21:1-5). Satepan noijki ompa pouiskej akinmej kinyolitiskej ijkuak tlanauatis non Tekiuajkayotl itech mil xiuitl (Apoc. 20:12, 13). ¡Ijkuak ijkon panos uelis okachi tikteititiskej san sekan tikatej! Ijkuak tlamis mil xiuitl, nochtin saiktlami kinyejyekoskej pero akinmej amo kikauaskej Jehová, ye kinselis ken ikoneuan (Rom. 8:21; Apoc. 20:7, 8).
Ma tiktemokan ken techpaleuia Biblia
(Efesios 3:13) Yika, nomechtlatlaujtia amo ximosotlawakah ijkuak nonnechitah nitlaijyowijtok, xiyolpakikah porke non tlaijyowílistli nomechpalewis iwa nomechmaka tlakitálistli.
w13-S 15/2 pág. 28 párr. 15
Amitlaj ma techtsakuili para toTajtsin Dios ma techtlakaita
15 Ijkuak tikchiuaj tlen Jehová kineki uan tikxikoaj tlen techtlajyouiltia, non kinpaleuia oksekimej para Jehová ma kintlakaita. Tlatitlanil Pablo okinmilui tokniuan tlen ochantiayaj Éfeso: “Nomechtlatlaujtia amo ximosotlawakah ijkuak nonnechitah nitlaijyowijtok, xiyolpakikah porke non tlaijyowílistli nomechpalewis iwa nomechmaka tlakitálistli” (Efes. 3:13). ¿Tleka Pablo okinmilui tokniuan tlen ochantiayaj Éfeso tlen okijyoui ‘okimpalewih iwa okinmakak tlakitálistliʼ? Maski ye otlajyoui okinpaleui tokniuan, ijkon okinmititi kitekichiuiliskej toTajtsin Dios non tlen okachi ipati. Tla Pablo san niman mosotlauaskia ijkuak otlajyoui, kiteititiskia amo okipatioitaya tlen Jehová kichiuas, noijki amo okipatioitaya iuan mouikas nion kitekichiuilis. Pero ye otlaxiko uan ijkon okiteititi miak ipati tikchiuaskej ken Cristo.
(Efesios 3:19, NHY) Niktlatlawtia in toTajtzin Dios para namejwan xikixmatikan itlasojtlalis in Cristo, katlej sa tekitl weyi iwan asta mach akaj weli kimomaka kuenta. Iwan ijkón namejwan welis antentoskej de Dios ipan namoyolo.
cl-S pág. 299 párr. 21
Ma titetlasojtlakan ken Cristo
21 Ika griego tlajtoli ‘tikixmatiskejʼ, kijtosneki “tikchiuaskej tlen tikmatij”. Ijkuak titetlasojtlaj ika nochi toyolo, titlapaleuiaj uan titetlapojpoluiaj, tikteititiaj titetlasojtlaj ken okichi Jesús uan ijkon tikajsikamatij tlen ye kimachilia. Tla ijkon tikchiuaskej, ‘tikixmatiskej itlasojtlalis in Cristo, katlej sa tekitl weyiʼ. Jesús okichi ijkon ken iTajtsin, ik non, nochipa ma tikilnamikikan tla tikchiuaj ken ye, okachi timouikaskej iuan Jehová.
17-23 DE JUNIO
KEN TECHPALEUIA BIBLIA | EFESIOS 4-6
“Ma timopaleuikan ika tlen Jehová techmaka”
(Efesios 6:11-13) Ximopalewikah ika iweletilis non Dios nomechmaka, iwa ijkó weletis nonkitlaniskeh n amokualitlakatl ijkuak kinekis nomechkajkayawas. 12 Porke amo timotekilmakatokeh iwan tlakah non kipiah inmesso kemi tejwah, yej iwan espíritus amokualteh non nemih tlakpak, iwa kipiah weletílistli. Yejwah kinnawatijokeh akimeh kichijtinemih tlan amokuali ken nemih itech tleyuálistli. 13 Yika, xiktekitiltikah n chikawálistli [noso tepostli ajsitok] non Dios onomechmák ika nontlaxikoskeh ijkuak wits n tonati ijkuak nomechyoltilanaki n amokualitlakatl, iwa ijkó xiktlanilikah iwa ximochikawakah iwa ximoyekketokah.
Telpokamej uan ichpokamej xikixnamikikan Diablo
TLATITLANIL Pablo okijto akinmej kichiuaj ken Cristo yetoskiaj ken soldados. Akin iuan timoteuijtokej melauak onka. Amo timoteuiaj iuan tlakamej, timoteuiaj iuan Satanás uan amo kuali ejekamej. Yejuan yimiak xiuitl tlateuiaj, ik non, kimatij tlateuiskej. Mota amo uelis tikintlaniliskej, okachi telpokamej uan ichpokamej. ¿Uelis kintlaniliskej telpokamej uan ichpokamej amo kuali ejekamej? Kema uan ijkon kichijtokej. Porque Jehová kinpaleuia. Telpokamej uan ichpokamej kimatij tlateuiskej porque ‘mopalewiah ika iweletilis non Dios kinmaka’ (xiktlajtolti Efesios 6:10-12).
(Efesios 6:14, 15) Ijkó kiné, ximoyekketokah, ximotlajkotelinikah ika n milák tlájtoli, iwa xitlakentitokah kemi ijkuak se soldado konakia ikoto de tépostli para makipalewi. 15 Sa ximokaktikah para nontetlapowitiweh de n kualitlájtoli non techmaka yolsewílistli, ijkó kemi mokaktia se soldado ijkuak yawi motekilmakati.
w18.05 págs. 28, 29 párrs. 4, 7, 10
Telpokamej uan ichpokamej xikixnamikikan Diablo
4 Tejuan noijki ijkuak timomachtiaj tlen melauak itech iTlajtol toTajtsin Dios techpaleuia amo ma tikneltokakan tlen amo melauak (Juan 8:31, 32; 1 Juan 4:1). Ijkuak okachi tikpatioitaj tlen timomachtiaj, okachi amo oui tikintlakamatiskej itlanauatiluan Jehová, nin yetoskiaj ken tikmoelpantlaliliskej tepostli (Sal. 111:7, 8; 1 Juan 5:3). Noijki tla kuali tikajsikamatij tlen melauak itech toTajtsin Dios, amo timomojtiskej ijkuak tikinmiluiskej oksekimej tlen tikneltokaj (1 Ped. 3:15).
7 Tepostli tlen okimoelpantlaliliayaj soldados kuali kineskayotia itlanauatiluan Jehová porque kimaluiaj toyolo (Prov. 4:23). Uan se soldado amo kipatlaskia tepostli tlen okimoelpantlaliliayaj ika se tlen amo kuali. Tejuan noijki amo tikinpatlaskej itlanauatiluan Jehová ika tlen timokuayejyekoaj. Tejuan amo tiixtlamatkej, ik non, amo uelis san toselti tikmaluiskej toyolo (Prov. 3:5, 6). Ik non, miak ipati ma tikitakan tepostli tlen tikpiaj toelpan kox kuali kimaluijtok toyolo.
10 Soldados romanos okinmotlaliliayaj inkakuan para tlateuitiuij. Pero tejuan yetoskia ken tikinmotlaliliaj tokakuan ijkuak tiauij titetlapouitiuij (Is. 52:7; Rom. 10:15). Maski ualeua moneki timoyolchikauaskej para titetlapouiskej. Se telpochtli itoka Roberto tlen kipia 20 xiuitl, okijto: “Achto onimomojtiaya nikintlapouis akinmej inmiuan nimomachtia. Xamo porque onipinauaya. Amo nikmati tleka ijkon onimomachiliaya. Axkan nechpaktia nikintlapouis”.
(Efesios 6:16, 17) Noiwa xikpiakah nomotlaneltokalis kemi se tépostli non ika nonmopalewiskeh iwa nonkitsakuiliskeh ijkuak n diablo nomechmojmotlas ika kuawitl non xotlatok. 17 Ximokuaonakiltikah n tépostli non ika timomakixtiah, noiwa xikpiakah itlajtol Dios kemi se espada non techmaka n Espíritu Santo.
w18.05 págs. 30, 31 párrs. 13, 16, 20
Telpokamej uan ichpokamej xikixnamikikan Diablo
13 Diablo ‘mitsmojmotlas ika kuawitl non xotlatok’ ijkuak kijtoa tlen amo melauak itech toTajtsin Dios uan kijtoa Jehová amo motech motekipachoa uan amo mitstlasojtla. Se ichpochtli itoka Aida tlen kipia 19 xiuitl, okijto: “Ualeua nikmachilia Jehová uejka kajki uan amo kineki iuan ma nimouika”. ¿Tlen kipaleuia ayakmo ijkon momachilis? Ye okijto: “Nechikolmej nechpaleuiaj ma nikpia chikauak notlaneltokilis. Achto san oniaya ompa nimotlaliti uan amo onitlanankiliaya. Onimokuayejyekoaya amo ikaj kipatioitaskiaj tlen nikijtoskia. Pero axkan kuali nimomachtia uan nitlanankilia kanaj ome noso eyi uelta. Ualeua oui nikita pero kuali nimomachilia ijkuak nitlanankilia. Uan tokniuan sapanoa nechyolchikauaj. Nochipa nikita Jehová nechtlasojtla ijkuak tlami se nechikol”.
16 Ijkon ken tepostli okipaleuiaya itsonteko soldado, tejuan noijki techpaleuia “matikchiakah totemakixtilis” tlen kimaluia totlalnamikilis noso tlen timokuayejyekoaj (1 Tes. 5:8; Prov. 3:21). Noijki techpaleuia ma tikilnamiktokan tlen kichiuas toTajtsin Dios uan amo san ma timotekipachojtokan (Sal. 27:1, 14; Hech. 24:15). Pero amo san ma tikkitskijtokan nin tepostli. Moneki tikmotlaliliskej para techpaleuis. Nin kijtosneki melauak ma tikilnamiktokan tikchiaj “totemakixtilis”.
20 Pablo okijto iTlajtol toTajtsin Dios ken se espada tlen ye otechmakak. Pero moneki tikmatiskej ken tiktekitiltiskej uan ijkon tikpaleuiskej tlen tikneltokaj uan tikpatlaskej ken timokuayejyekoaj (2 Cor. 10:4, 5; 2 Tim. 2:15). ¿Ken uelis kuali tiktekitiltis? Se telpochtli itoka Sebastian tlen kipia 21 xiuitl, okijto: “Ijkuak niktlajtoltia Biblia, itech sejse capítulo nikkixtia se texto tlen nechpaktia uan nikijkuiloa. Ijkon okachi kuali nikmati tlen mokuayejyekoa Jehová”. Daniel tlen itech yotimotlapouijkej, okijto: “Ijkuak niktlajtoltia Biblia nikinpejpena textos tlen kinpaleuis akinmej inmiuan nimotlapouis. Yonikitak kuali nechkakij ijkuak kitaj nechpaktia tlen kijtoa Biblia uan melauak nimochijchikaua nikinpaleuis”.
Ma tiktemokan ken techpaleuia Biblia
(Efesios 4:30) Amo xikchiwakah mamoyolkoko Iespíritu Santo n Totajtsi Dios, porke ika n Espíritu onomechneskayotijkeh kemi iaxkawah Dios, asta ijkuak ajsiki n tonati ijkuak Ye nomechselis non yolchipawakeh.
it-2-S pág. 938 párr. 6
Santo
Iespíritu santo. Espíritu noso ichikaualis Jehová ye kinauatia uan ika non chikaualistli nochipa kichiua tlen ye kineki. Nin espíritu chipauak, santo uan toTajtsin Dios kitekitiltia para kichiuas itlanekilis. Ik non, Biblia kijtoa “Espíritu Santo” (Sal. 51:11; Luc. 11:13; Rom. 1:4; Efes. 1:13). Ijkuak ikaj kikauilia espíritu santo ma kiyekana, kichiua tlen chipauak uan santo. Pero ijkuak ikaj kichiua tlen sokio noso pitsotik kixnamiki noso ‘kiyolkokoaʼ (Efes. 4:30). Ijkuak ompa kijtoa ‘kiyolkokoaʼ espíritu santo, kijtosneki kiyolkokoa toTajtsin Dios porque espíritu santo kiteititia tlen kineki kichiuas Jehová. Ijkuak ikaj kichiua tlen amo kuali, ayakmo kikauilia espíritu santo ma kiyekana (1 Tes. 5:19, NHY). Tla nochipa kichiuas tlen amo kuali, ‘kiyolkokosʼ espíritu santo uan toTajtsin Dios kitas ken ikaj tlen kixnamiki noso kikokolia (Is. 63:10). Akin kiyolkokoa espíritu santo noijki uelis kiuijuikaltis, ik non, Jesús okijto “akin fiero kitenewas n Espíritu Santo, ayik kitlapojpolwiskeh, nion axa, nion satepa” (Mat. 12:31, 32; Mar. 3:28-30; noijki xikita ESPÍRITU).
(Efesios 5:5) Porke ya nonkimatokeh, tla aka momekatia, noso kichijtinemi tlajtlákoli, noso kitlawelneki tomi, kijtosneki kemi kiweyilijtoskia se “dios” non san kimachijchiwah, nochteh akimeh ijkó kichiwah, amo kalakiskeh kan tlanawatia Cristo iwa Dios.
it-1-S pág. 255 párr. 6
Tlaixneki
Mota ika tlen ikaj kichiua. Ijkuak ikaj sapanoa kineki kichiuas tlen amo kuali kiteititia tlaixneki. Tlatitlanil Santiago okijto: “Tlan amokuali tikyejyekolia tlaakati n tlajtlákoli” (Sant. 1:14, 15). Ik non, akin tlaixneki kiteititia ika tlen kichiua. Tlatitlanil Pablo okijto akin kineki kipias miak tlamantli, yetoskia ken “kiweyilijtoskia se dios” (Efes. 5:5). Akin tlaixneki kita ken se teotsin nochi tlen kineki kipias uan ayakmo kipatioita kitekichiuilis nion kiueyichiuas Jehová (Rom. 1:24, 25).
24-30 DE JUNIO
KEN TECHPALEUIA BIBLIA | FILIPENSES 1-4
“Amitla manomechtekipacho”
(Filipenses 4:6) Amitla manomechtekipacho, yej nochipa xikilikah n Toteko tlan nonkinekih keman nonmotiotsajtsiliah, xiktlajtlanilikah iwa ximotlasojkamatikah.
Iyolseuilis toTajtsin Dios tlen amo ikaj kajsikamati
10 ¿Tlen uelis tikchiuaskej para amo timotekipachoskej uan tikpiaskej “iyolsewilis Dios”? Tlen Pablo okinmijkuilili filipenses techmachtia ma timotlatlaujtikan para amo timotekipachoskej. Ik non, ma timotlatlaujtikan ijkuak timotekipachoaj (xiktlajtolti 1 Pedro 5:6, 7). Ijkuak timotlatlaujtiskej, ma tikneltokakan Jehová totech motekipachoa. Noijki ma tiktlasojkamatilikan porque techteochiua. Okachi titlaneltokaj itech Jehová ijkuak tikilnamikij ye uelis “kichiwas okachi miak de tlan tejwah tiktlajtlani” (Efes. 3:20).
(Filipenses 4:7) Iyolsewilis Dios, non amaka weleti kajsikamati, kimokuitlawis nomoyolo iwa nomotlayejyekolis por Cristo Jesús.
Iyolseuilis toTajtsin Dios tlen amo ikaj kajsikamati
7 ¿Tlen omokuayejyekojkej tokniuan tlen ochantiayaj Filipos ijkuak okitlajtoltijkej carta tlen Pablo okintitlanili? Okilnamikej tlen okipanok Pablo uan Silas uan ken Jehová okinpaleui. ¿Tlen okinekiaya Pablo ma kajsikamatikan? Amo ma motekipachokan porque Jehová kinmakaskia yolseuilistli tla motlatlaujtiskiaj. Pero ye okijto “iyolsewilis Dios” amo ikaj ueli kajsikamati. ¿Tlen kijtosneki nin? Seki Biblias kitlajtolkuepaj ken “itlaj tlen amo uelis timokuayejyekoskej” uan “amo ijkon ken timokuayejyekoaj”. Pablo okinekiaya kijtos “iyolsewilis Dios” okachi tetlajtlachialtia amo ken timokuayejyekoaj. ¿Tlen techmachtia nin? Maski amo tikmatij ken tikyektlaliskej se ouijkayotl, Jehová kimati ken kiyektlalis. Ye uelis techtlajtlachialtis (xiktlajtolti 2 Pedro 2:9).
Iyolseuilis toTajtsin Dios tlen amo ikaj kajsikamati
16 ¿Ken techpaleuis “iyolsewilis Dios, non amaka weleti kajsikamati”? Biblia kijtoa: “Kimokuitlawis [kimaluis] nomoyolo iwa nomotlayejyekolis por Cristo Jesús” (Filip. 4:7). Ijkuak Biblia kijtoa “kimokuitlawis” noso kimaluis kijtosneki ijkuak miakej soldados okimaluiayaj se altepetl. Ijkon opanoaya altepetl Filipos. Akinmej ompa ochantiayaj kuali okochiayaj uan amo itlaj okinmomojtiaya porque okimatiayaj okimaluiayaj altepetl. Noijki ijkuak tikpiaj “iyolsewilis Dios”, tokuayejyekol uan toyolo kuali katej. Kuali tikmatij Jehová techmaluia uan kineki kuali ma tiyetokan (1 Ped. 5:10). Tikmatiskej nin tlamantli techpaleuis amo ma timotekipachokan nion ma timomojtikan.
Ma tiktemokan ken techpaleuia Biblia
(Filipenses 1:7) Pero oksikimeh tetlapowiah de itlajtol Cristo san por kinekih nechixpanawiskeh. Yejwah kinekih okachi manimoyolkoko nika kan nitsaktok.
Iyolseuilis toTajtsin Dios tlen amo ikaj kajsikamati
8 Tokniuan tlen ochantiayaj Filipos omoyolchikajkej ijkuak omokuayejyekojkej tlen okinpanok itech majtlaktli xiuitl. Melauak opanok tlen okijkuilo Pablo. Maski Jehová okitekauili ma kinpano tlen amo kuali, okinkauilijkej ma tetlapouikan (Filip. 1:7). Jueces tlen okatkaj Filipos amo uelis itlaj kinchiuiliskiaj akinmej okichiuayaj ken Cristo. Pablo okijto okatka romano, ik non, Lucas omoka Filipos uan okinpaleui akinmej opejkej kichiuaj ken Cristo ijkuak Pablo uan Silas oyajkej.
9 Ijkuak tokniuan tlen ochantiayaj Filipos okitlajtoltijkej carta tlen okintitlanili Pablo, okimatiayaj okintlajkuilili ikaj akin melauak otlajyoui. Pablo okipixki miak ouijkayotl uan okiteititi okipiaya “iyolsewilis Dios”. Ijkuak Pablo okintlajkuilili tokniuan, ye okitsakej ikalijtik ompa Roma. Pero ok okiteititiaya okipiaya yolseuilistli (Filip. 1:12-14; 4:7, 11, 22).
(Filipenses 3:11, TNM) para nikitas kox nechyolitiskej ijkuak achto kinyolitiskej akinmej yoixpolikej.
w07-S 1/1 pág. 26 párr. 5
Jehová yopejki kinyolitia sekimej
5 Tlapejpenalmej tlen “iaxkawah Dios” nochipa yetoskej iuan toTeko Jesucristo ompa iluikak (Gálatas 6:16; 1 Tesalonicenses 4:17). Yejuan ‘achto kinyolitiajʼ (Filipenses 3:10, 11, TNM; Apocalipsis 20:6). Ijkuak Jehová tlamis kinyolitis nochtin tlapejpenalmej, satepan kinyolitis nochtin akinmej chantiskej itech xochitlali uan uelis nochipa yoltoskej. Maski sekimej chantiskej iluikak uan oksekimej nikan tlaltikpak, miak ipati tikmatiskej ¿ken uan keman opejki kinyolitia toTajtsin Dios akinmej yetoskej iluikak?
© 2019 Watch Tower Bible and Tract Society of Pennsylvania