TIKCHIUAJ KEN CRISTO
Tikchiuaj ken moneki para titetlapouiskej
Jehová okiyekanak ialtepe Israel ken omonekiaya uan axkan noijki ijkon techyekana para ma tikchiuakan tlen ye kineki. Tokniuan tlen tlapaleuiaj itech kalmej Betel tlen katej itech nochi tlaltikpak, tokniuan tlen tlapaleuiaj itech circuitos, tlanechikolmej uan nochi grupos itech nochi tlaltikpak mopaleuia para tetlapouiskej. Uan noijki para kintlapouiskej akinmej kipiaj okse tlajtoli (Apoc. 14:6, 7).
¿Kox yotimokuayejyeko timomachtis okse tlajtoli para tikintlapouis oksekimej iTlajtol toTajtsin Dios? Tla amo timajxilia, san uelis timomachtis seki tlajtoli tlen kajki itech aplicación JW Language para ikaj tiktlapouis. Ijkuak tiktekitiltis tlen otimomachti itech non aplicación, timomachilis ken tokniuan tlen okatkaj itech achto siglo, yejuan okintlapouijkej itech toTajtsin Dios akinmej oksekan inmialtepe uan okipiayaj okse tlajtoli (Hech. 2:7-11).
IJKUAK YOTIKITAK VIDEO KUALI XIMOUIKA IUAN JEHOVÁ: MA TITETLAPOUIKAN IKA OKSE TLAJTOLI, XIKINNANKILI NINMEJ TLAJTLANILMEJ:
¿Keman uelis tiktekitiltiskej JW Language?
¿Tlen kipia non aplicación?
Nochtin akinmej kipiaj okse tlajtoli moneki tikintlapouiskej tlen kichiuas toTajtsin Dios.
¿Tlen tlajtoli kipiaj ik kanin tichanti?
¿Tlen tikchiuaskej tla tikajsij ikaj tlen kipia okse tlajtoli uan kineki momachtis tlen kichiuas iTekiuajkayo toTajtsin Dios? (od-S pág. 100 párrs. 39-41).