4. ¿Otechchijchi toTajtsin Dios ma titlajyouikan?

¿Tleka moneki tikmatiskej?

Nin techpaleuis ma tikitakan kox tikpatioitaj toyolilis.

Ximokuayejyeko nin tlamantli

¿Tleka toTajtsin Dios kualtsin otlachijchi tla san titlajyouiskiaj?

Akinmej amo pouij itech se religión kijtouaj titlajyouiaj porque toTajtsin Dios amo yolkuali noso kijtouaj amo melauak kajki. Kineltokaj titlajyouiaj porque: (1) toTajtsin Dios amo uelis kipojpolos tlajyouilistli, (2) amo kineki kichiuas, (3) ye amo kajki.

¿Onka okse tlamantli tlen kiteititia tleka titlajyouiaj?

Biblia kijtoua

ToTajtsin Dios amo otechchijchi ma titlajyouikan

Ye kineki ma tiyolpakikan.

“Onikajsikamatki okachi kuali ma yolpakikan uan nochipa ma kichiuakan tlen kuali, noijki nochtin ma tlakuakan uan itlaj ma konikan uan ma kinyolpakti inteki. Non techtliokolia toTajtsin Dios” (ECLESIASTÉS 3:12, 13).

Adán uan Eva amo okatkaj tlajtlakolejkej ijkuak ToTajtsin Dios okinchijchi

ToTajtsin Dios amo okinekiaya ma titlajyouikan.

“ToTajtsin Dios okinteochi uan okinmilui: ‘Ximomiaktilikan uan ximochiuakan nanmiakej, xiktemitikan tlaltikpak uan xikmaluikan’” (GÉNESIS 1:28).

Adán uan Eva amo okitlakamatkej toTajtsin Dios

Sapanoua otlajyouijkej uan noijki inmixuiuan.

“Itlajtlakol se tlakatl n tlajtlákoli okalak itech nin tlaltíkpaktli iwa okualík mikílistli, ijkó noiwa nochteh mikkih porke nochteh otlajtlakolchijkeh” (ROMANOS 5:12).a

ToTajtsin Dios amo otechchijchi toselti ma timonauatikan

Ijkon ken tejuan amo uelis tiyoltoskej ijtik atl, noijki amo uelis san toselti timonauatiskej.

“Tlakatl amo kinamiki monauatis nion kinamiki kiyekanas kanin tlaksas” (JEREMÍAS 10:23).

ToTajtsin Dios amo kineki ma titlajyouikan

Ye techiluia ken timomaluiskej.

“¡Tla melauak tikinkakis notlanauatiluan! Moyolseuilis yetos ken se aueyatl” (ISAÍAS 48:18).