¿TLEN KIJTOUA BIBLIA?

¿Uelis techtlapojpoluiskej?

Biblia techmachtia tinochtin titlajtlakolejkej. Achto tlakatl Adán otechpanoltili tlajtlakoli. Ik non, ualeua tikchiuaj seki tlamantli amo kuali uan satepan timoyolkokouaj. Jesucristo, iKone toTajtsin Dios, oixpoliuik uan ijkon okitlaxtla totlajtlakoluan. Tlen okichi techpaleuia porque ijkon ueli techtlapojpoluia toTajtsin Dios (Xiktlajtolti Romanos 3:23, 24).

Sekimej akinmej sapanoua tlajtlakolchiuaj motlajtlaniaj kox toTajtsin Dios uelis kintlapojpoluis. Biblia kijtoua: “Jesús, Ikone n Totajtsi Dios, techchipawa nochteh totlajtlakolwah” (1 Juan 1:7). Jehová techtlapojpoluia tla melauak timoyolkopaj (Xiktlajtolti Isaías 1:18).

¿Tlen moneki tikchiuaskej para matechtlapojpolui toTajtsin Dios?

Tla tiknekij Jehová matechtlapojpolui, moneki tikixmatiskej: tikmatiskej tleka kichiua seki tlamantli, tlen techiluia uan tlen technauatia (Juan 17:3). Jehová kintlapojpoluia akinmej moyolkopaj uan mochijchikauaj ayakmo ijkon kichiuaskej (Xiktlajtolti Hechos 3:19).

Uelis tikyolpaktiskej toTajtsin Dios. Jehová yolkuali, teiknomati uan techajsikamati. Nin tlamantli uelis mitsyoleuas para timochijchikauas tikyolpaktis (Xiktlajtolti Salmo 103:13, 14).