KEN TECHPALEUIA BIBLIA | PROVERBIOS 1-6
“Xitlaneltoka itech Jehová ika nochi moyolo”
San Jehová kinamiki itech titlaneltokaskej. Tlen kijtosneki itoka non kichiua ma tikneltokakan ye kichiuas tlen yokijto. Miak ipati timotlatlaujtiskej pampa okachi titlaneltokaskej itech toTajtsin Dios. Proverbios tlakotonal 3 kijtoa tla titlaneltokaj itech Jehová, techpaleuis kuali ma tikpiakan tonemilis.
¿Tlen kichiua akin mokuayejyekoa sapanoa ixtlamatki?
3:5-7
Amo kitemoa itlayekanalis Jehová ijkuak kipejpena tlen kichiuas.
Okachi kineltoka tlen ye mokuayejyekoa uan tlen kijtoaj oksekimej tlaltikpaktlakamej.
¿Tlen kichiua akin tlaneltoka itech Jehová?
Momachtia Biblia, itech mokuayejyekoa uan motlatlaujtia pampa okachi kuali mouikas iuan Jehová.
Ijkuak moneki kipejpenas tlen kichiuas, achto momachtia principios tlen katej itech Biblia uan ijkon kita tlen mokuayejyekoa Jehová.
ACHTO nikchiua tlen nimokuayejyekoa okachi kuali. |
SATEPAN nikiluia Jehová ma kiteochiua tlen onikpejpenki. |
ACHTO nikiluia Jehová ma nechpaleui ijkuak nimotlatlaujtia uan ijkuak nimomachtia noselti. |
SATEPAN nikpejpena nikchiuas ijkon ken kijtoaj principios tlen katej itech Biblia. |