KEN TECHPALEUIA BIBLIA | MATEO 18, 19
Ma timomaluikan para amo titlajtlakolchiuaskej uan amo tlajtlakolchiuaskej oksekimej
Ijkuak Jesús otlamachti okintekitilti neskayomej para kiteititis sapanoa amo kuali tla itlaj kichiua ma titlajtlakolchiuakan noso tejuan tikchiuaj oksekimej ma tlajtlakolchiuakan.
Ijkuak Biblia kijtoa “aka kitoktis mawetsi”, kijtosneki ikaj kichiua tlen amo kuali noso kichiua ikaj ma tlajtlakolchiua.
“Tla aka kitoktis mawetsi itech tlajtlákoli [...] okachi kuali makilpilikah itech ikech se weyi tetl iwa makonkajkawakah kan weyi atl”.
Tetl tlen ika otlakuechoayaj
Jesús okinmili imachtijkauan tla inma noso inmixtololo okichiuaya ma tlajtlakolchiuakan okachi kuali ma kimokixtilikan.
Okachi kuali ma tikpolokan se toma noso se toixtololo uan ijkon uelis tikalakiskej itech iTekiuajkayo toTajtsin Dios, tla amo, tiaskej itech Gehena nin kijtosneki sepa techpojpoloskej.
¿Tlen uelis kichiuas ma nitlajtlakolchiua? ¿Tlen moneki nikchiuas para amo nitlajtlakolchiuas? ¿Tlen moneki nikchiuas para oksekimej amo ma tlajtlakolchiuakan?