¿Ken techpaleuis tla timonechikouaj para titetlapouiskej?

Timonechikouaj para titetlapouitiuij noijki ken ijkuak sejse semana timonechikouaj para timomachtiskej. Yetoskia ken se ueyi tetliokolil tlen Jehová techmaka para timotlasojtlaskej uan tikinpaleuiskej tokniuan (Heb. 10:24, 25). Ijkuak ijkon timonechikouaj moneki uejkauas 5 noso 7 minutos; ijkuakon moneki kijtoskej akin iuan titetlapouiskej, kanin titetlapouiskej uan ijkuak se tokni topatka motlatlaujtis. Uan tla satepan oksekimej monechikoskej para noijki tetlapouitiuij okachi amo ma uejkauakan kinmachtiskej. Miakej tokniuan tlen tetlapouiaj sábados kinpaleuis tla akin tlamachtis san kiojpauis ken uelis tetlapouiskej. ¿Tlen okseki uelis tlamachtiskej tokniuan?

• Uelis kiojpauiskej “Ken uelis titetlapouis” tlen kajki itech amatlajkuilol Toteki akinmej tikchiuaj ken Cristo.

• Ken uelis tikijtoskej tla itlaj opanok para tipeuaskej ikaj tiktlapouiskej.

• Ken uelis tikijtoskej tla ikaj amo kineki techkakis.

• Ken uelis tiknankiliskej akin amo kineltoka kajki toTajtsin, akin kineltoka evolución, tlajtoua okse tlajtoli noso ken tiktlapouiskej ikaj tlen kipia se religión tlen amo okachi kixmatij.

• Ken titlatemoskej itech jw.org uan JW Library^® noso itech Biblia.

• Ken titetlapouiskej ika tlen ika titlamachtiaj.

• Ken titetlapouiskej ika teléfono, ika carta, ika carritos, ken oksepa titetlapouitiuij noso ken titlamachtiskej.

• Ken timomaluiskej, ma titetlapouikan tlen kinekij kimatiskej, ken titetlakaitaskej, ma timokuayejyekokan ken moneki uan ma tikchiuakan okseki tlamantli.

• Ma kiteititikan se tlamachtil noso se video tlen kajki itech amatlajkuilol Ximoyektlali uan okachi kuali titlamachtis.

• Ken tikyolchikauaskej uan tikpaleuiskej akin iuan titetlapouiaj.

• Uelis techmachtiskej se texto noso uelis kijtoskej itlaj tlen opanok.