¿Tleka ok onka guerras uan miakej mokualaniaj?
Biblia kijtoua tleka onka guerras uan miakej mokualaniaj. Noijki kijtoua tleka ok ijkon panotok uan titlajyouijtokej.
TITLAJTLAKOLEJKEJ
ToTajtsin Dios okichijchi Adán uan Eva ken ye kipia iyelis (Génesis 1:27). Nin kijtosneki omonekiaya kiteititiskej motlasojtlaj uan kuali mouikaj (1 Corintios 14:33; 1 Juan 4:8). Pero amo okitlakamatkej toTajtsin Dios uan otlajtlakolchijkej. Tinochtin tiixuiuan Adán uan Eva ikinon tejuan titlajtlakolejkej uan tiixpoliuij porque otechpanoltilijkej tlajtlakoli (Romanos 5:12). Titlajtlakolejkej ikinon san niman tikualanij uan timokualaniaj inuan oksekimej (Génesis 6:5; Marcos 7:21, 22).
TEKIUAJKEJ
ToTajtsin Dios amo otechchijchi toselti matimonauatikan. ITlajtol kijtoua: “Tlakatl amo kinamiki monauatis nion kinamiki kiyekanas kanin tlaksas” (Jeremías 10:23). Ikinon tekiuajkej amo uelis kachiuaskej guerra nion uelis kichiuaskej ayakmo ikaj mamokualani.
SATANÁS UAN IEJEKAUAN
ITlajtol toTajtsin Dios kijtoua “nochtin tlen chantij tlaltikpak katej imak Satanás” (1 Juan 5:19). Satanás temiktia uan amo teiknomati (Juan 8:44). Ye uan iejekauan tlapaleuiaj para personas makinpeualtikan guerras uan mamokualanikan (Apocalipsis 12:9, 12).
Tejuan amo uelis tikachiuaskej guerra pero toTajtsin Dios uelis ijkon kichiuas.