Seki tlamantli tlen mitspaleuis mojmostla xiktlajtolti Biblia

¿Tikita oui mojmostla tiktlajtoltis Biblia porque tikchiua miak tlamantli? (Jos. 1:8). Uelis mitspaleuis nin tlamantli:

• Xitlajkuilo itech celular. Xiktlali se alarma itech mocelular para mitsilnamiktis tlen hora tiktlajtoltis Biblia.

• Xiktlali moBiblia kanin uelis tikitas. Nochipa xiktlali moBiblia kanin uelis tikitas uan ijkon uelis tiktlajtoltis (Deut. 11:18).

• Xikkaki Biblia ika audio. Uelis tikkakis Biblia ijkuak itlaj tikchijtos. Se precursora itoka Tara kinpia eyi ikoneuan uan youak tekipanoua. Ye okijto: “Ne nikkaki Biblia ijkuak itlaj nikchijtok nokalijtik uan non nechpaleuia nochipa maniktlajtolti Biblia”.

• Mojmostla xiktlajtolti Biblia. Tla itlaj panotikisa uan amo uelis tiktlajtoltis Biblia, xikintlajtolti maski san kanaj keski versículos ijkuak yitikochis. Sapanoua mitspaleuis maski san kanaj keski versículos tikintlajtoltis (1 Ped. 2:2).