OKACHI KUALI MA TITLAMACHTIKAN | XIYOLPAKI IJKUAK TITETLAPOUIA
Xikinpaleui akinmej tikinmachtia ma monechikokan
Ijkuak timonechikouaj iuan tokniuan, tikueyichiuaj Jehová (Sal. 22:22). Tinochtin akinmej timonechikouaj tiyolpakij ompa tikueyichiuaj Jehová uan ye techteochiua (Sal. 65:4). Akinmej tikinmachtiaj okachi peuaj mouikaj iuan Jehová ijkuak touan monechikouaj.
¿Ken uelis tikinpaleuis akinmej tikinmachtia touan ma monechikokan? Miak uelta xikinyoleua. Xikinmititi video ¿Ken tikchiuaj tonechikoluan? uan xikinyekilui ken kinpaleuis tla touan monechikouaj (lff tlamachtil 10). Uelis tikintlapouis tlen otimomachti ijkuak otimonechiko noso tlen tlamachtiskej ijkuak oksepa timonechikos. Xikinmaka amatlajkuilolmej tlen ika nanmomachtiskej noso xikititi JW Library® kanin kijtoua “Reuniones”. Xikinmilui uelis tikinuikas kanin timonechikouaj. Ijkuak tikinmitas peuaj monechikouaj, tiyolpakis porque otimochijchika otikinpaleui (1 Cor. 14:24, 25).
IJKUAK YOTIKITAK VIDEO MA TIKINPALEUIKAN AKINMEJ TIKINMACHTIAJ MA MONECHIKOKAN, XIKINNANKILI NINMEJ TLAJTLANILMEJ:
¿Ken okiyole Ana ma monechikoti Coral?
¿Tleka tiyolpakij ijkuak akinmej tikinmachtiaj peuaj monechikouaj?
“Dios milák kajki nomowah”.
¿Ken omomachili Coral ijkuak yikin opejki monechikoua?