6 lzinyane lemvu leganyana kuzaphumula ndawonye,*+

Ingwe ilale ndawonye lezinyane lembuzi,

lsilwane lethole kanye lenyamazana enonileyo kuzakuba ndawonye,*+

Njalo kuzakhokhelwa ngumfana omncane.

 7 Inkomo lebhere kuzakudla ndawonye,

Amathole enyamazana lezi alale ndawonye.

 8 Umntwana omunyayo uzadlalela lapho okulomlindi wephimpi khona,

Lomntwana okhutshwe ebeleni uzafaka isandla sakhe emlindini wenyoka eyingozi.

 9 Akukho okuzalimaza+

Loba kudilize kuyo yonke intaba yami engcwele,+

Ngoba emhlabeni kuzagcwala ulwazi olumayelana loJehova

Njengamanzi agcwele ulwandle.+

 9 Akusoze kutholakale isilwane kuyo,

Njalo akulanyamazana zeganga eziyingozi ezizasondela kuyo.

Kazisoze zitholakale kuyo;+

Abathengwe nguNkulunkulu yibo kuphela abazahamba kuyo.+

25 Iganyana kanye lezinyane lemvu kuzakudla ndawonye,

Isilwane sizakudla utshani njengenkunzi,+

Inyoka idle uthuli.

18 Ngalolosuku ngizabenzela isivumelwano lezinyamazana zeganga,+

Lenyoni zezulu kanye lezinanakazana ezihuquzelayo emhlabeni,+

Ngizasusa idandili* lenkemba kanye lempi elizweni,+

Ngibenze bahlale bengesabi lutho.*+