Izintshumayelo Eziyisibonelo

Ukuqalisa Izifundo zeBhayibhili ngoMgqibelo Wokuqala ka-September

“Salibonani. Silivakatshele okwesikhatshana ukuzolitshengisa lokho okunganceda abatshadileyo ukuthi benze umtshado wabo uphumelele. Ngombono wakho, ungatsho yini inkinga enkulu evimbela ukuthi imuli ithokoze?” [Melela impendulo.] Mtshengise ikhasi elingemuva kwe-Nqabayokulinda ka-September 1, beselixoxa ndawonye indaba engaphansi kombuzo wokuqala futhi lingabala umbhalo owodwa obekiweyo. Mnike amamagazini njalo wenze amalungiselelo okuphenduka lizoxoxa ngombuzo olandelayo.

INQABAYOKULINDA September 1

“Okwenze savakatsha yikuthi abanengi endaweni yakithi bayazibuza ukuthi kungani uNkulunkulu evumela ukuhlupheka. Wake wacabanga ngakho yini lokhu? [Melela impendulo.] Kuyathokozisa ukuthi iBhayibhili lithembisa ukuthi kuzaba lesikhathi lapho ukukhala lobuhlungu okuzaphela khona. [Bala ISambulo 21:⁠4.] Imagazini le ihlola izizatho ezinhlanu zokuthi kungani abantu behlupheka kangaka. Itshengisa njalo lokuthi iBhayibhili lithi uNkulunkulu uzakuqeda njani ukuhlupheka.”

Awake! September

“Sibuye ukuzoxoxisana ngekhefu elijayelekileyo okuthiwa yi-Halloween. Abanye bakhetha ukungawunanzi umkhosi lo, beqamba izixwayiso ezinjengalesi esitholakala eBhayibhilini. [Bala ULevi 19:​31.] Abanye abantu abakholwa ukuthi kulemimoya emibi elamandla amakhulu futhi babona i-Halloween njengendlela yokuzithokozisa okungelangozi. Wena ucabangani ngekhefu leli? [Melela impendulo.] Imagazini le iveza umdabuko omubi we-Halloween.”