Tshisekela Ukutshumayela Iqiniso NgoJesu
Nxa sisenelisa ukutshumayela iqiniso ngoJesu intshiseko yethu izakwanda. UJesu ulilitshe elikhulu lengosi lapho ukholo lwethu olwakhelwe khona. (Efe. 2:20) Uyinsika yethemba lethu lokuphila okungapheliyo. (ImiSeb. 4:12) Yikho kufanele siyiqakathekise indima kaJesu ekugcwalisekeni kwenjongo kaNkulunkulu. Kuyadanisa ukuthi abanengi bayathatheka ngezimfundiso ezingekho eBhayibhilini. Okunye okudanisa kakhulu yikuthi abantu abanjalo kabasoze bazithole izibusiso okukhulunywa ngazo eBhayibhilini ezizatholwa yilabo abalokholo kuJesu. Intshiseko yethu izakwenza senelise ukusiza abamnene ukuthi bafunde iqiniso ngoJesu. Iqiniso leli liphathelane lendima yakhe enjongweni kaNkulunkulu kanye lobuhlobo bakhe loJehova. Uzakutshisekela yini ukutshumayela iqiniso ngoJesu ngalesisikhathi seSikhumbuzo?