UNkulunkulu Olothando Uzakunika Izibusiso

• Uyafisa yini ukuphila emhlabeni oyabe ungaselazimpi, ubugebenga lokungazwanani?

• Uyafisa yini ukuphila emhlabeni oyabe ungaselakugula, ukuhlupheka lokufa?

• Uyafisa yini ukuphila kungaselalutho olukukhathazayo?

• Uyafisa yini ukuphila emhlabeni ongasela zingozi zemvelo ezinjengokuzamazama komhlaba, izikhukhula lokunye nje?

UNkulunkulu wethu osithandayo futhi owadala umhlaba wethu omuhle, usithembisa ukuthi sizaphila emhlabeni olokuthula njalo sizathokoza kuze kube nini lanini. Lokhu kuzakwenzakala loba sekutheni!

Ezihlokweni ezilandelayo sizabona:

• Okwenza sithi uMdali wethu uyasithanda kakhulu

• Esikutshelwa nguNkulunkulu esebenzisa iLizwi lakhe

• Okwakhulunywa ngabaphrofethi bakaNkulunkulu okugcwaliseka khathesi lokuzagcwaliseka ngesikhathi esizayo

• Okumele sikwenze khathesi ukuze sithokoze njalo sithole lezibusiso ezivela kuNkulunkulu

Esihlokweni sokuqala sizaxoxa ngokuthi uMdali wethu olothando ulendaba lathi.