Sebenzisa Ibhuku Elithi Ungathokoza Kuze Kube Nini Lanini! Ukuze Uncede Ofunda Laye Abe Lokholo KuJehova LoJesu

Esifunda labo iBhayibhili kumele babe lokholo oluqinileyo ukuze bathokozise uJehova. (Heb 11:6) Singabancedisa sisebenzisa ibhuku elithi Ungathokoza Kuze Kube Nini Lanini! Ibhuku leli lilamavesi azabanceda, lichasisa izinto ngendlela ecacileyo, lilemibuzo ezabanceda ukuthi bacabange njalo lilamavidiyo lamapikitsha amahle. Nxa sibancedisa ukuthi babe lobuntu obuhle futhi babe ngabangane bakaJehova siyabe sisakha ngezinto ezingatshiyo.—1Kr 3:12-15.

Abanye abantu bacabanga ukuthi ngeke babe ngabangane bakaNkulunkulu njengoba bengamboni. Yikho kumele sibancedise ukuthi bamazi njalo bamthembe.

BUKELANI IVIDIYO ETHI QINISA UKHOLO KUJEHOVA NGEBHUKU ELITHI “UNGATHOKOZA KUZE KUBE NINI LANINI!,” BESELIPHENDULA IMIBUZO ELANDELAYO:

• Sazi njani ukuthi udade ubesilungiselele sibili isifundo?

• Uyisebenzise njani imibuzo eseceleni ukuze ancedise afunda laye azwisise u-Isaya 41:10, 13?

• Ividiyo lamavesi kumncede njani umfundi?

Abantu abanengi abayizwisisi inhlawulo futhi abanye abayiboni iyisipho uNkulunkulu abanike sona. (Gal 2:20) Yikho kumele sibancedise babe lokholo enhlawulweni kaJesu.

BUKELANI IVIDIYO ETHI QINISA UKHOLO KUJESU NGEBHUKU ELITHI “UNGATHOKOZA KUZE KUBE NINI LANINI!,” BESELIPHENDULA IMIBUZO ELANDELAYO:

• Sazi njani ukuthi umfowethu ubesilungiselele sibili isifundo?

• Ukusebenzise njani okusengxenyeni ethi “Thola Okunengi” ukuze ancedise afunda laye?

• Umthandazo uzamnceda njani esifunda laye?