Xoxela Abanye Okufundileyo

Ukubala iBhayibhili kuyasinceda futhi kwenza sithokoze. Kodwa sizathokoza kakhulu nxa singaxoxela abanye amagugu esiyabe siwatholile lasincede samthanda kakhulu uJehova. IZaga 11:25 zithi: “Umuntu ovuselela abanye uzavuselelwa.”

Nxa singaxoxela abanye esikufundileyo kuzaba lula ukuthi sikuzwisise ngcono njalo sizahlala sikukhumbula. Sizathokoza sibili ngoba esizabachathekela khona kuzabanceda.—Imiseb. 20:35.

Zama lokhu: Emalangeni alandelayo dinga amathuba okuxoxela abanye okufundileyo. Abanye ongaxoxa labo ngohlala labo, abasebandleni, osebenza labo, ofunda labo, omakhelwane kumbe ozabathola ngesikhathi utshumayela. Zama ukuthi obaxoxela khona ukubeke ngendlela elula lecacileyo.

Khumbula: Inhloso yakho nxa uxoxela abanye kayibe ngeyokubakhuthaza hatshi ukuthi basale bekubabaza ngolwazi olalo.—1 Khor. 8:1.