Kusukela KuZamcolo Kuze Kuyefika Ekukhululweni EGibhithe

Ngabantu abangu-8 kuphela abasinda kuZamcolo kodwa ngokuhamba kwesikhathi baqhubeka bezalana baze babazinkulungwane. U-Abhrahama wazalwa sekuleminyaka engu-352 kwadlula uZamcolo. Sifunda ngendlela uNkulunkulu agcina ngayo isithembiso sakhe ngokunika u-Abhrahama indodana okuthiwa ngu-Isaka. Kumadodana amabili ka-Isaka, uJakhobe nguye owakhethwa nguNkulunkulu.

UJakhobe wayelemuli enkulu elamadodana angu-12 lamadodakazi amalutshwana. Amadodana kaJakhobe alitshumi ayezonda umnawabo uJosefa yikho amthengisa ukuthi abe yisigqili eGibhithe. Ngemva kwesikhathi uJosefa waba ngumbusi oqakathekileyo eGibhithe. Lapho kusiba lendlala enkulu uJosefa walinga abanewabo ukuze abone ukuthi basebentshintshile yini. UJakhobe lemuli yakhe yonke, ama-Israyeli, bacina sebethuthele eGibhithe. Lokhu kwenzakala sekudlule iminyaka engu-290 u-Abhrahama wazalwa.

Okweminyaka engu-215 eyalandelayo ama-Israyeli ahlala eGibhithe. UJosefa esefile, babayizigqila khonangale. Ngokuhamba kwesikhathi uMosi wazalwa, uNkulunkulu wasemsebenzisa ukuthi akhulule ama-Israyeli eGibhithe. Ingxenye 2 ikhuluma ngokwenzakala eminyakeni engu-857.