Okubikezelwa liBhayibhili Kuyenzakala

IBhayibhili lisitshela ngokuliqiniso okwenzakala kudala liphinde lisitshele lokuzakwenzakala esikhathini esizayo. Abantu kabenelisi ukubikezela okuzakwenzakala esikhathini esizayo. Yikho sikwazi ukuthi iBhayibhili livela kuNkulunkulu. IBhayibhili lithini ngokuzakwenzakala esikhathini esizayo?

Lisitshela ngempi enkulu kaNkulunkulu. Empini le, uNkulunkulu uzakhipha bonke ububi emhlabeni kugoqele labantu ababi, kodwa uzavikela labo abamkhonzayo. UJesu Khristu, inkosi ebekwe nguNkulunkulu, uzakwenza ukuthi abantu bakaNkulunkulu babe lokuthula, bathokoze, njalo bangaphindi bagule loba bafe.

Siyathaba ukuthi uNkulunkulu uzakwenza ipharadayisi elitsha emhlabeni. Kodwa kulokunye okumele sikwenze ukuze sihlale epharadayisi. Endabeni yokucina yebhuku leli sifunda ngalokho okumele sikwenze ukuze sithole izinto ezinhle uNkulunkulu azazinika labo abamkhonzayo. Ngakho bala INGXENYE 8 ubone ukuthi iBhayibhili libikezelani ngesikhathi esizayo.