Imibuzo YeBhayibhili Iyaphendulwa

Kuyini esingakufunda ngoNkulunkulu?

UNkulunkulu ungumoya. Wadala amazulu, umhlaba lazo zonke izinto eziphilayo. Akulamuntu owadala uNkulunkulu okutsho ukuthi kalasiqalo. (IHubo 90:2) UNkulunkulu ufuna abantu bamdinge njalo bathole iqiniso ngaye.​—Bala imiSebenzi 17:24-27.

Singalazi ibizo likaNkulunkulu. Ukucabangisisa ngezinto azidalayo kwenza sizwisise ubuntu bakhe. (KwabaseRoma 1:20) Kodwa ukuze simazi kuhle uNkulunkulu, kumele sifunde iLizwi lakhe, iBhayibhili. Lenza sikwazi ukuthi unguNkulunkulu onjani.​—Bala iHubo 103:7-10.

UNkulunkulu uzwa njani nxa ebona ukungalungi?

UMdali wethu, uJehova uyabuzonda ubuqili. Wadala abantu ngomfanekiso wakhe. (UDutheronomi 25:16) Yikho lathi sikuzonda ukubona izinto ezimbi zisenzakala. UNkulunkulu kayisuye ozibangelayo. Wanika abantu inkululeko yokuzikhethela. Kodwa okudanisayo yikuthi abantu abanengi bayisebenzisa kubi ngokuphatha abanye kubi. Lokhu kumzwisa ubuhlungu uJehova.”​—Bala uGenesisi 6:5, 6 loDutheronomi 32:4, 5.

UJehova uyabathanda abantu abenza izinto ezilungileyo njalo kuzafika isikhathi lapho azasusa khona abantu abenza izinto ezimbi. (IHubo 37:28, 29) IBhayibhili lithembisa ukuthi sekuseduze ukuthi uNkulunkulu asuse konke ukungalungi.​—Bala u-2 Phetro 3:7-9, 13.