Ibhokisi Lemibuzo

◼ Udade kumele amboze ikhanda yini nxa ehamba lomzalwane ukuyafunda lomuntu iBhayibhili besemnyango?

Nxa udade efundisa umuntu iBhayibhili okwesikhathi esithile esihleliweyo futhi ehamba lomzalwane, kumele amboze ikhanda. (1 Khor. 11:​3-​10) INqabayokulinda yesiNgisi ka-July 15, 2002, ikhasi 27 ithi: “Le yingxenye ehleliweyo yokufundisa lapho lowo ofundisayo akhokhela khona kuleso sifundo. Ezimweni ezinjalo, isifundo siba yingxenye yebandla. Nxa udade efundisa umuntu iBhayibhili ehamba lomzalwane obhabhathiziweyo, kumele amboze ikhanda.” Lokhu kumele kwenziwe kungelani lokuthi isifundo senzelwa endlini, emnyango kumbe kweyinye nje indawo.

Okunye yikuthi nxa isifundo seBhayibhili esenzelwa emnyango singakabi yisifundo esihlelekileyo, udade ngeke kudingakale ukuthi amboze ikhanda ngesikhathi ehamba lommemezeli woMbuso wesilisa, lanxa injongo yokuphindela lokho ingeyokutshengisa ukuthi isifundo seBhayibhili senziwa njani kumbe ingeyokuxoxa ngesihloko esithile esikwamanye amabhuku asetshenziswa ekufundiseni iBhayibhili. Njengoba izifundo ezenzelwa emnyango ziqaliswa kancane kancane, futhi kuphindelwa kuzo ngendlela ephumelelayo, abamemezeli bangahlola izimo ukuze babone lapho okumele bamboze khona ikhanda.