Ukuthuthukisa Indlela Esitshumayela Ngayo—Ukuqalisa Izifundo ZeBhayibhili Sisebenzisa Ibhukwana Elithi Izindaba Ezinhle!
Kungani Kuqakathekile?: Kumele sifundise abantu iLizwi likaNkulunkulu ukuze senze abafundi. (Mat. 28:19, 20) Nxa singasebenzisa konke inhlanganiso esilungisela khona sizaphumelela emsebenzini wokutshumayela. Ibhukwana elithi Izindaba Ezinhle Ezivela KuNkulunkulu! lilotshelwe ukuthi lisisize ekufundiseni abantu iqiniso. Ibhukwana leli lihle kakhulu ngoba singalisebenzisa ukuqalisa isifundo seBhayibhili simi emnyango womninimuzi.
Zama Ukwenza Okulandelayo Kulinyanga:
Khuleka kuJehova ukuze akuphe isifiso sokuqalisa isifundo seBhayibhili. Mcele ukuthi akusize ufundise abanye iqiniso ngendlela ephumelelayo.—Flp. 2:13.
Phurakithiza intshumayelo yakho uze uyijayele, lokhu ungakwenza ngesikhathi sokukhonza kwemuli kumbe nxa ufunda uwedwa. Lokhu kuzakusiza ukuthi utshumayele ngesibindi njalo wenelise ukuqalisa isifundo seBhayibhili.