Ukuthuthukisa Indlela Esitshumayela Ngayo—Ukuhambisa Ibhuku Elithi Okufundiswa LiBhayibhili

Kungani Kuqakathekile? Ibhuku elithi Okufundiswa LiBhayibhili yilo esilisebenzisa kakhulu nxa sifundisa. Ngakho kufanele sizame ukuba zingcitshi endleleni esilihambisa ngayo ibhuku leli kanti njalo kuqakathekile ukuthi umuntu esixoxa laye simnike elakhe ibhuku azalisebenzisa nxa simfundisa. (Zaga. 22:29) Asingeke sizibale siziqede izindlela esingazisebenzisa nxa sihambisa ibhuku leli yikho ummemezeli kufanele azikhethele leyo ayibona ingcono.

Indlela Yokukwenza:

Mbuze umbuzo ohambelana lesahluko ofuna ukuxoxa ngaso ube usumtshengisa isahluko sakhona ebhukwini leli. Kanti njalo ungakhetha ukuthi lixoxe ngombuzo owodwa osekuqaliseni kwesahluko. Nxa umninimuzi angatsho umbono wakhe mbalele umbhalo ohambelana lendaba leyo ube usumtshengisa indima elempendulo futhi lixoxe ngayo kafitshane nxa kuvuma.
Okunye ongakwenza yikusebenzisa amakhasi asekuqaliseni kwebhuku leli ube usumtshengisa lapho indaba ethile echasiswa khona ngokugcweleyo. Ngokwesibonelo ungakhuluma ngesigigaba esisematheni ube usumchazela ukuthi abantu basala bebambe owangaphansi nxa bethola izimpendulo zemibuzo esekhasini 3. Loba ungamtshela ukuthi uvakatshele omakhelwana ukuze ubaxoxele ngethemba esilalo ngekusasa. Ube usumtshengisa imifanekiso esemakhasini 4-5 ubuze lokuthi, “Yisiphi isithembiso ofuna ukusibona ngawakho sigcwaliseka?” Okunye ongakutsho yikuthi, ‘Ngivakatshela izakhamuzi zalapha ukuze ngizincedise zithole izimpendulo zemibuzo ekhathazayo empilweni.’ Mtshengise imibuzo esekhasini 6 ubusumbuza ukuthi yiwuphi omthinta kwamancane.
Ungacela ukufunda laye iBhayibhili. Ungathi: “Sitshengisa omakhelwana bethu ibhuku esilisebenzisayo nxa sifunda iBhayibhili. Sewake walibona yini? [Melela impendulo.] Nxa isikhathi sakho sivuma ngingathanda ukukutshengisa indlela esifunda ngayo sisebenzisa elakho iBhayibhili.”

Zama Ukwenza Okulandelayo Kulinyanga:

Phurakithizani ekukhonzeni kwemuli.
Chathekela ohamba labo ekutshumeyeleni ukuthi uhlele ukulihambisa njani ibhuku leli. (Zaga. 27:17) Ntshintsha intshumayelo yakho nxa ingaphumeleli.