Umkhankaso Wokuhambisa Izimemo Zomhlangano

Minyaka yonke sihlala sikulindele ngabomvu ukuthola ukudla okuyithaphutshiye emihlanganweni yesabelo. Ukudla lokho kuyaluqinisa ukholo lwethu sibili. Kumele sisebenze gadalala sinxusa abantu ukuze babuye ngobunengi babo bazozinambithela ubuhle bukaJehova belathi emhlanganweni lo. (Hu 34:8) Iqula labadala ngalinye lizahlela ukuthi izimemo zizahanjiswa njani ukuze kunxuswe abantu abanengi.

OKUMELE UHLALE UKUKHUMBULA

• Uzakuba khona nini umhlangano?

• Uzaqalisa nini umkhankaso endaweni yakithi?

• Izakwenziwa nini imihlangano yenkonzo yasensimini?

• Ngizimisele ukwenzani ngesikhathi somkhankaso?

• Ngobani engizabanxusa?

ONGAKUTSHO

Ngemva kokubingelela ngendlela ejayelekileyo endaweni yakini ungathi:

“Sinxusa wonke umuntu ukuthi abekhona emhlanganweni esizakuba lawo. Ilanga, isikhathi lendawo kubhalwe khonapho. Kungaba kuhle kakhulu ukukubona.”

ZAMA UKUNCEDISA LABO ABALESIFISO SOKUFUNDA

Lanxa silesifiso sokunxusa abantu abanengi emhlanganweni kumele sizame ukuxoxa kafitshane lalabo abayabe belesifiso sokufunda njalo singakhohlwa ukuphindela kubo.

Nxa uhambisa izimemo ngempelaviki ungahambisa lemagazini